اقتباس:
الحاق الضرر باصحاب البقالات يااخي انت مسلم وصاحب البقالة اللي يبيع حبة تايت وواحد زبادي يربح فيه بالهلله مسلم يصرف على عائلة مسلم
الحين شاد حيلك على راعي البقالة اللي يطلع بالشهر لو كان رابح وعليه دوس 10 الف فرضاً
ومغفل عيونك على صاحب الشركة اللي يطلع باليوم 10 الف
ياالاشجان الله يهديك ويصلح بالك أنت تعاند نفسك الظاهر تعرف صاحب بقالة يركب رنج
تكره وتتتمنى وتصلي وتسجد وتدعي الحاق الضرر فيهم الله يهديك
يااخي فكر شوي وفهم السعودي مو محتاج يشتغل في بقالة دام وزارة الصحة أو البلديات أو التربية أو وزارة الزراعة أو الشركات فيها اجانب
تبي السعودي يجلس بقبالة زي الجحر 4 ب 4 امتار ويستلم راتب 1500
وفي اجنبي يستلم على مكيف ومكتب بوزارة حكومية أو شركة كبيرة 7 الف ر يال
ما شاء الله يالاشجان تحب ابناء بلدك وتموت في سبيل بس تشوف ابناء بلدك في بقالات
|
نعم يجب الحاق الضرر باصحاب المحلات اللي مسلمينها للاجانب لانهم اضرو بالبلد واقتصاد البلد وساهمو في رفع نسبة البطاله .
والمسلم من سلم الناس منه والبقاله يارياض احباب هي ملك الاجنبي صاحبها مجرد اسمه ومبلغ نهاية الشهر ...
وصاحب الشركة اللي يطلع 10 الاف هذا ودنا يسعودونه هو وشركته بس اذا تركوه وسعودو المحلات نقول شيئ احسن من لا شيئ صح ولا ؟
وانت اذا الله منعم عليك وماتبي تجلس في بقاله ب 1500 ريال غيرك يبيها فا تكلم عن نفسك لا تتكلم عن الشباب المحتاج لهذا المبلغ 1500 لا فيها مواصلات ولا سكن ولو تروح لشركات المقاولات وتشوف بنفسك كيف السعوديين يشتغلون في الشمس 12 ساعه ب 3000 ريال وعليه السكن والمواصلات والمعيشه ونهاية الشهر ماعنده ريال .
اقتباس:
|
ما شاء الله يالاشجان تحب ابناء بلدك وتموت في سبيل بس تشوف ابناء بلدك في بقالات
|
احب اشوف ابناء البلد ايدي عامله تفيد نفسها واهلها وبلدها العمل مب عيب العيب هو العيب العيب عدم قول الحقيقه يارياض العيب انك ترضى الذل لنفسك وتنصح به غيرك ..
انا بنفسي مستعد اشتغل في بقاله ب 1500 ريال شغله اعز من اي وظيفة ... المعاش الطبيعي تجاره صناعة زراعه ... نتركها للاجنبي وندور وظايف في وزارة الزراعه !! هذا حد تفكيرنا واذا فكر السعودي يشتغل في هذي المجالات جاب اجانب مسكهم الشغل وراح يتكي في البيت !
وبالله اقرا التقرير فوق يقولك 50 الف وظيفه اذا تم سعودة البقلات الصغيره دون الكبيره و واحد لكل بقاله .... انت اذا ماتبي تشتغل كيفك وتكلم عن نفسك