السلام عليكم ورحمة الله وبركاته
راح أعرض عليكم فكرة أتمنى إنها تلاقي تفاعل وقبول عند الأغلبيــــة
شوفوا كم الوقت اللي نقضيه في النت..وكم الوقت الفعلي اللي نستفيد منه فعلاً
كم واحد فينا حاول فعلاً إنه يستفيد من وقته ومن هذي التقنية..ويسخرها لخدمة الإسلام ولو بأقل القليل
حتى الخدم اللي عندنا..يجون ويروحون وهم ما استفادوا مننا ولا شي فيما يخص العقيدة
ليش مانتعاون ونتسابق في الخيرات..ونضع لأنفسنا بصمة تشرفنا وتشفع لنا يوم العرض
من هنا جات الفكرة
نبغى نساهم في نشر الإسلام..وتصحيح المفاهيم..بقدر استطاعتنا
حتى لو ماعندنا جرأة في الكلام المباشر..
الخدم والسواقين مثلاً
حتى لو كانو مسلمين عندهم اعتقادات ومفاهيم خاطئة في العقيدة..وفي طريقة الصلاة..وفي السحر..وفي التمائم ...إلخ
مو بس الخدم
حتى حنا كمجتمع عندنا كثير من الأخطاء اللي تحتاج إننا ننتقدها بصوت عالي..
(تخصير العباية..طريقة تغطية الوجه..البف ورفع الشعر..النمص....)
كل هذي الأشياء نلتفت لها..وننبه عليها بطريقة ملفتة..ومختصرة
(صورة وتعليق بكلمتين أو حديث)
المطلوب
نبغى نكوّن مجموعات
المجموعة الأولى
تكون مسؤولة عن الأفكار
تساهم بوضع أفكار ونصوص مختصرة وصور تشير لموضوع معين..موجه لفئة معينة
المجموعة الثانية
مترجمين
يترجمون النص باللغة الانجليزية
المجموعة الثالثة
مصممين ومحترفي فوتوشوب
ينفذون الفكرة بطريقة إبداعية على ورق بخلفية ومقاس مناسب..وقابل للطباعة
أو عن طريق تصميم رسائل الوسائط
التنفيذ
بإمكان كل عضو إنه يختار الموضوع اللي يناسبه..أو يكون عنده شخص يحتاجه
ويطبعه عنده على الطابعة..ويسلم النسخه للشخص المعني
أو نطبع أكثر من نسخة ..وناخذها معانا لما ندخل مصلى أو نروح السوق أو نركب مع ليموزين أو نجلس في غرف الانتظار في المستشفى ونترك هذي النسخ على الطاولة أو الكرسي
بالنسبة لبنات الجامعة
تقدرون تسلمون وحدة من العاملات أكثر من نسخة وتطلبون إنها توزعها...
أو يكون النشر عن طريق الايميل...
ولو المشاركة تحتوي على حديث (تأكدوا من صحة الحديث من موقع الدرر السنة)
أتمنى إنه اللي عنده رغبة بالمشاركة
يذكر نوع المشاركة