مشاء الله تبارك حياكم بموضوعي واشكركم على ردودكم ودعواتكم الجميله
اختي ام الوظائف كلامك اللي قلتيه انا معاك فعلا لشافوا ان صاحبة العمل سعوديه يتجنبونها والله يالغاليه من الحسد والغيره لانهم يشوفونك احسن منهم عندك شي مو عندهم وهي موهبة التجميل تحسسهم بالنقص اللي هم فيه وحاجتهم لك ..زميله لي كانت تعمل كوافير من بيتها للحارة عملت جزء من بيتها صالون صغير وزحمه عليها بس للاسف انصدمت ان الزباين اللي يجونها لراحوا للاعراس واحد سال عن مكياجهم نسبوه الى مشاغل معروفه ولا ذكروها..مايبون احد غيرهم يكتشفها حسد الله وكيلك..وفكرة المشغل مرة رائعه بس لابد ان تكوني مميزه عن باقي المشاغل اما بعروضك او ان عاملاتك يطلعون للعمل ككوفيرات للمنازل...تدرين بشارعنا خمس مشاغل وربي هبال الوحده يوم تنوي تفتح مشغل لابد تختار مكان استراتيجي لمشغلها مو تفتح بجنب مشغل وتتوقع انها بتفوق على المشاغل بعملها لان انتي ما تعرفي كيف يخربو على بعضهم اذا شافوكي جذبتي زباينهم والله يوفقك.

اخوي الدبلوماسي ليه نعتمد ان احد يمد يده لنا..عندك عبد اللطيف جميل والبنك الاهلي والامير محمد امير الشرقيه وصندوق المئويه وغيره عاملين فكرة تبني المشاريع الصغيرة ومساعدتهم
والواحد ما يبدا بمشروع ضخم وتكاليفه الماديه تكون عاليه لو لسمح الله خسر الا ما يتحمل الا اعباء بسيطه حتى يرجع لهم اموالهم يعني اقصى حد 30 الى 50 الف يصير تكاليف هالمشروع من الى...لازم نصعد سلم النجاح درجة درجة بالنهاية حنا الرابحين لن نخسر

المميزه الله يوفقك لي زميلة تعمل دروس خصوصية للمراحل الدنيا من الابتدائي اول الى رابع من بيتها 500 بالشهر لكل طالب وطالبه ومشاء الله تدخل راتب ممتاز مع ان ما معها الاثانويه عامه وبالعطل النصفيه والنهائيه والاعياد تعمل كوافير...والله لو لي خلق على التدريس كان درست انجليزي لاني متمكنه منه بس انا بالي مو طويل على الاطفال انا يدوب اتحمل اطفالي

البقيه اشكركم جميعا والله يوفقكم بالتوفيق

اخوي جغرافي بلا وطن هاه الرجال عند كلمتهم اعتمد !!!!!
اجل اول مفرش بيكون لك هدية مجانية عشان عرضك الجميل انك تشتري مني بالتوفيق اخوي