السلام عليكم ورحمة الله وبركــاته ,

مساء الخير جميـعاً ..

من بداية كتابتي للموضوع اقولكم .. اني راح اتعبكم معي بقراءة موضوعي .. اخوي عالم القهوه احتاج لأستشارتك جداً ولكل سكان الخبر وللجميع ..

دايم اتمنى افتح لي مشروع صغير واشتغل فيه بس كل اللي يوقفني هو ( راس المال ) واشياء ثانيه .. قريت اليوم عن صندوق الامير سلطان ويدعم مشاريع النساء الصغيره ..

بس مشروعي حسيته نوعاً ما كبييير ويكلف للأمانه هالمشروع فكرة اختي وتعمقنا بالفكره وصارت هي تجيب فكره وانا فكره وحطينا امالنا وحلمنا فيه بس كل المشكله راس المال والمكان وكل شيء فالمشروع صعبناه ..

مشروعنا ياطويلين العمر هو ( كوفي شوب ) يكون له قسمين طبعاً عوائل وشباب انا من سكان المنطقه الشرقيه ( الخبر ) ولا اعرف كم تكون اسعار ايجار المحلات بالضبط

كل شيء احسه بيكون هييين بأذن الله خصوصاً انه اختي مبدعه في مجال القهوه والحلويات وفكرنا انه حنا بيدينا نخترع اشياء للكوفي هذا وله فكره معينه ولا اقدر اقولها لكم لكن صدقوني احس هالمشروع بينجححححححح بأذن الله لانه فكرته جديده ولا هي موجوده ابد فالسعوديه باكملها ام الدول الثانيه مدري عنها ابي اعرف كم بيكلف لو اخذت قرض 300 الف هل من الممكن يكفيني ؟

ولو مثلا دخلت وسجلت بهالصندوق ممكن اخلي اختي نفس الشيء وتاخذ قرض ثاني ويصير معنا 600 ونشترك انا وياها فيه ؟

حابه اعرف كم ايجارات الكوفي شوبات والعمال كم لازم يكونون فبدايه الامر حابه اعرف كل مايخص المشروع واحاول ادرسه انا وياها وان حسيت الامر مشجع

من قبلكم راح اكلم اهلي بالموضوع مع اني ابصم بالعشره انهم ماراح يعارضون ويدعمونا اذا توفر معنا راس المال من صندوق الامير سلطان والصندوق هذا بعد 8 شهور اذا تم الامر
وسوينا المشروع واخذنا القرض بعد 8 شهور نبدأ نسدده مدري يمدينا نسدد اذا نجح ولا نقعد بها مثل مايقولون .. طولت بالكلام لكن الفكره مازالت فبالي مع انه اختي حاطتها حلم هالفكره وانا براسي احقق حلمنا ونشتغل فيه اذا حسيت منك يااخوي عالم القهوه انك بتساعدنا بخبرتك راح اتواصل معك من خلال المنتدى وتساعدني بأفكارك بين فتره وفتره

عذراً عاالاطاله وعالاسلوب البسيط وعدم توضيح فكرة الكوفي شوب