مساء الخير ياشبااااب

الحقيقة انا اخو صاحب العضوية دبلوم وعاطل والحمدالله والمنة توظف صيانة طائرات في الدفاع المدني والان بعثة في استراليا .,,,

لكن الظاهر الدعوة وراثة في العطاله

المهم انا متخرج من كلية صحية فني اشعة من سنة وشهرين

الله وكيلكم لفيت المستشفيااات كلها والمستوصفات الاهلية وعشرين الف C.V هات يانطل ودق علي مستوصف اهلي راقي وقابلت المدير قالي عندنا رسبشن بـ 1500 ريال اذا رغبت تعال قلت حط نفسك مكاني واذا رضيت اعتبرني راضي وطلعت .. قمة الاستخفااف بس عشان يرفعون نسبة السعودة

المهم بعد لف ودوران توظفنا في مستوصف اهلي على نفس التخصص بواسطة طبعاً << حتى المستوصفات الاهلية صارت بواسطة والحمدالله

ومعي في نفس التخصص فني من الجنسية المصرية ياهو طفشني مايبيني اعرف شي ابد كل مريض يدخل معي ويتدخل في كل شي كل هذا خايف اصير مكانة من زين هالراتب قلت تراني ماني مطول بس باخذ خبرة وقاعد المحلة لكن الحقد والكرة يقدح من عينة وانواع المشكال كل هذا يحاول يسيطر والدعوه ماتستاهل في الاخير توصلنا لحل انا اخذ شفت وما اشوف رقعت وجهه وهو ياخذ شفت مايشوف رقعت وجهي رغم ان العمل مايتحملة شخص واحد وضغط وكل الاجانب ياخذون بد سكن 12000 ريال والسعودين ياخذون راتبين في السنة طبعا من الراتب الاساسي مايتعدى 4000 ريال مجموع الراتبين يعني يالاجانب اسكنو في شقق وانتم يالسعوديين اسكنو في عشش !!!!

كل اجنبي يقدم سلفه يعطونة في اقل من اسبوع اما السعودي ممنوع من السلفة السبب لانة سعودي!!!
دخلت على المدير التنفيذي سعودي للاسف معقب على رفضة طلب السلفة رد علي بكل احتقار واستفزاز " بنقلادش فيها فيضانات وبيوتهم تدمرت هم اولى بالسلفه "
قلت حتى حنا عندنا برررد وضربت الباااب

المشكلة ياشبااااب منا وفينا
تحصل صاحب المنشأة يرفض توظيف السعودي بدون مبرر حسبنا الله ونعم الوكيل..

لكن ياشباااب عليكم بالكويت والامارات الكويت طالبة 1000 معلم ومعلمه
والامارات طالبة مليون موظف اذا ديرتنا رافضتنا وماتبينا وش السوااهـ

تحياتي لـ15مليون برميل نفط يومياً * 88 دولار * 3.75 للتحويل لريال = بطاله في بطاله

تحياتي لوزير العمل البطاله - حسب تصريحة - 417الف عاطل - طبعاً دبلها مرتين - في ظل وجود اكثر من 6 ملايين اجنبي .

تحياتي لوزير الصحة استقدام 5 الاف ممرضة من الجنسية الفلبينية فقط و 4000 طبيب من الجنسية المصرية فقط في ظل وجود ثلاث دفعات من جميع التخصصات الصحية لم يجدوا عمل .

تحياتي لوزير الصحة بفرع رواتب الاجانب الى 90% وصرف بدل سكن لكل موظف اجنبي والسعودي يطارد في بدل عدوى وبدل خطر ولم يحصل عليه ومحرومين من بدل السكن .. << هل السعودي حين يولد معه مفتاح بيت !!!!!!!!!!!!

وش ذنبنا ياعالم اننا سعوديين ؟؟؟؟؟؟؟؟؟؟؟

اسف على الاطاله

تقبلني في ورقتك


AFKR FEEK