[ALIGN=CENTER][TABLE1="width:95%;"][CELL="filter:;"][ALIGN=center]

الحمد لله .. عايشين ببساطة
حتى ولو مارفهتنا المعيشة

متفاهمين بجدنا والعباطة..!
والعمر مهما صار لازم نعيشه

متأملين فباكر الإنبساطة..!
ومن الأمل نبني جدار العريشة

طوبة أمل ومن الأماني بلاطه
وأمان ربي: سقفها والدريشة

مانشتكي من ضيقنا وإنفراطه
دايم نناظر للأمل لو غبيشه!

متكاتفين وطبعنا ذا صراطه
والوقفة اللي ماتداوي هشيشه

ملوبسنا بالعزة الخيط خاطه
وأفعالنا لأهل المزاجات شيشه

ماننحني للقصر نمسح بلاطه
اللي يمد يديه يفضح حريشه.!

صحيح فقريين لكن إحاطة :
ماذلت أنفسنا لكسب المعيشة

ياصاحبي حنا كذا وببساطه
أكبر أمانينا عروس وعريشة..!

وغلّة نهار من التعب لو فراطة
تسوى من كنوز الهوامير خيشة!

[/ALIGN][/CELL][/TABLE1][/ALIGN]