اختي عزوف الدورات كثيره بالشرقيه والحلو بها تعتمد على نظام الاقساط انا بوكل امري لله وان شاء الله بكون لكم مثال حي تشوفون كيف الانسان اذا اصر على موضوع كيف ينجح..والله يالغاليه التمريض فاتح ابوابه لي وازيدك من الشعر بيت التوظيف فوري براتب 6000من الامير سلطان ..لكنني اتبع امومتي التمريض نظام شفتات واطفالي بحاجه لي وابنائي في سن المراهقه صعب ابدي الوظيفه والراتب عليهم ما ابي اكون سبب ضياعهم ..لو تقدم لي كنوز الدنيا عند امومتي لا اعتبرها شي
عزوف عندك صندوق المئويه يمولك...عندك البنك الاهلي يتكفل بدراستك اذا له علاقه بمشروعك ويمول مشروعك...عندك مشروع الامير محمد لتمويل المشاريع الصغيره عندك عبد اللطيف جميل جنب مطعم البحار بالدمام يمول مشروعك يعني شو اللي يمنعك انك ما تلقي دعم منهم

مثلا انا دخلت دورة الديكور قيمتها الفين قالت لي اوكي نقسط لك مدتها شهرين
هذي الدورة ما يمديني اخلصها الا دورة الخياطه باديه لان باقي لها شهرين
دورة الخياطه قيمتها 3 الاف وهم كمان قالولي نقسط لك مدتها 6 شهور
الموضوع يبيله تخطيط وتأني ثم الاصرار والتوكل على الله ثم المبادرة
اي وحده تبي تدخل مجال العمل الخاص تشوف مجتمعنا النسائي شو الاكثر شي مطلوب فيه
يعني لو تلاحظين السوق اكثر شي نميل له حنا يالنساء مثل تغليف الهدايا تنسيق الزواجات التصوير فيديو ديجيتال صالونات تحليق الاطفال قرطاسية تصوير الاوراق موسمه مستمر لا يتوقف التصميم اذا في وحده شاطره بالتصميم عندها مجال تصميم للمدرسات كالدروس والعروض التقديميه -لوحات - وفي تصميم المواقع وغيره....
عزوف الاعتماد بيكون على نفسك لانك لو بتعتمدين ان احد يفيدك بخبرته مراح تلقين لان الان كلن يحتفظ باسرار مهنته له مستحيل يفيدك بخبرته باي مجال حابه تدخليه اعتمدي على نفسك وانتي كوني خبرتك بنفسك مثل ما انا احاول اعمل يعلم الله اني ماعندي اي خبره لكن بمنظوري الخبره بالاول تعتمد على تعلم اساسيات الشي ثمن الشخص يطور نفسه بهالمجال اللي تعلمه
يعني سبحان الله يا عزوف يوم قررت ادخل مجال اللي خبرتكم به بعد التوكل على الله والاستخارة الامور كلها بدت تتسخر لي مع يعلم الله دخلي الشهري بعد طلاقي لا يتعدى2500 ريال لي ولاطفالي الخمسه لكن من عاش على مستوى معين لا يرضيه ان يعيش اقل منه قبل انفصالي كنت عايشه بترف لكن الطلاق اعطاني درس ان لا اعتمد على الغير وكان هو سبب اني اسعى لرفع مستوى حياتي المعيشيه الى الافضل ولا اضع يدي على خدي وانتظر الغير ان يدعموني او يساعدوني او اعيش على التمني فياليت لا تعتمدون على احد اعتمدو على انفسكم واتمنى ان اي مشروع تخططون له ان يكون سري بينك وبين نفسك لان في بعض الاصحاب والاقارب يصيبك بالاحباط النت فاتح لك باب واسع للاستشارة والتعلم والاستفادة استغلي هالشي ولا هو عيب محد عارفك اذا بالك مشروع ومتردده به اطرحيه عند اهل الخبره بقسم المشاريع بالمنتدى وصدقيني محد بيبخل عليك برايه وخبرته..والله يوفقك امين

ام الوظايف يا هلا يالغاليه الله يحييك ويبقيك....فعلا بالشرقيه المشاغل قومه وقعده يعني مشروع فاشل اللي تفكر تفتح مشغل لكثرة عندنا....عيبي اني اتميز للعنصر النسائي ولا ارضا لاخواتي ان احد يقلل من شانهم او يضيق عليهم بشي انا اثق بقدرات المرأة وتفوقها باي مجال تدخله لكن العادات والتقاليد والاحراج والخوف والسلطه من بعض اولياء الامور الله يهديهم يقف عائق امام تحقيق الانثى لذاتها لكن الزمن تغير قليلا عن السابق وصار متفتح لكننا يالعنصر النسائي لازلنا نضع عقبات لانفسنا مع ان العقبات غير موجوده نححن نصنعها وبالتوفيق للجميع