[align=center]

السلام عليكم ورحمة الله وبركاته


مساكم الله بالخير

أول شيء أحب أمسيك بالخير يانوبليس القائد الاعلى لجميع طلبة دورة 18

والمدرب الاول لكل طالب في دورة 18 والانسان الوحيد اللي ما زال نذكره في قلوبنا

<< يحس أن نوبليس الحين يقول ياويلي غطيت على الملوك


اليوم كان حفل تخرج دورة 18 الفرد الأساسي وتخرج الخدمات والفنيين والسائقيين

وكان الحفل برعاية سعادة اللواء فياض الرويلي قائد قاعدة الملك فهد

وأتوقع أن هذا أول حفل للفرد الأساسي اللي يحضره للواء أو قائد قاعده


والشباب أستعرضو أستعراض اللهم لا حسد أستعراض وحوش وأشناب وقدعان وأبطااال

صح أن الحفل كان قصير مدته وما تخلله فقرات كثيره لكن كان حفل مشرف ويرفع الرأس


ودي أشرح لكم وأقول لكم وش صار وبالتفصيل لكن توي واصل الرياض وهلكان


لكن أن شاء الله في يوم ثاني على روقان نشرح بالنفصيل وأتوقع رآح تجيكم من الشباب قبلي

لكن حبيت أكون أول من يكتب الخبر في المنتدى ويبارك للجميع الخريجيين

وآلف مبروك لجميع الخريجيين من الخدمات والفنيين والسائقين وبالتوفيق جميعاً


وعقبال الزواج للي ما تزوج والثانيه للي متزوج والترقيات والراحه في دوامكم


وأبارك تبريك خاص للهلامه ماجد المطيري اللي صآر أكبر مبزوط قبل تخرجه بسبوع
وصدق علي عالي رحمه الله يوم قال ما يصير لهم ريش الا قبل ما يتخرجون بسبوع
وللأمام سر أيها المبزوط وبالتوفيق في دوامك وعقبال الزواج

وأكرر شكري للمدرب والقائد الاعلى لجميع طلبة دورة 18

الجندي ركن طيار نوبليس


أخوكم عبدالله المطيري[/align]