اتوقع اول تصفيه

بيطيرون الي كاتب بيانات خطأ أو طوله ووزنه مش مناسب

بعدها راح يقبلون افضل 10000 نسبة بثالث ثانوي

طبعا مش كلهم حقين عسكريه بوقت الجد بيقولون (وانا مالي)

بعدها يجي التدقيق بالمراكز ..يعني لو كاتب اسمك فيه حرف خطأ .أو المعدل فيه جزأ من مائه خطأ
بيقولون لك انت مزور.... مع الباب
+ تصفية الي طوله اقل من 168 وكاتب بالموقع ا168

بكذا بيبقى 4000

بعدها فحوصات طبيه واختبار لياقه و و و و و الخ
راح يبقى 1200

ومنهم الي بيغير رايه ومنهم الي بيلقى قطاع ثاني او وظيفة مدنية

راح يبقى 750<_ راح يختفي منهم 50 ..بيبقى العدد النهائي 700

على حسب راي اللجنه + السستم والفرز بالعربي فترة حرق الاعصاب الي تكون من اجل تشييك الكبار على ذويهم هل في احد يبي ينقبل او احد ما بعد يتصل فيه من اقاربه

بكذا راح يتعوضون ال 50 رقم

ويرجعون 750

500 مقبولين اساسي

و 250 احتياط

هذا والله اعلم

عشان ما احد يزعل ..تأكدي ان السالفه فيها الكثير من الواسطات
اهو فترت انتظارنا لفرز الامن العام
كنا نحترق على نا تطلع النتايج

ويجيك واحد يطرح موضوع كاش

(ياشباب انا حصلت لي واسطه بيدخلني اللحيم بايام الفرز)
تتوقعون صدق

او يجيك واحد يقول لك انا ما امداني اسجل بالنت قبل اربع شهور
بس نسيبي اخذ ملفي وقبلني على طول اساسي بدون مقابله ولا ولا ولا
(تخيلوا احنا اربع شهور نطارد)
واخينا بالله باخر اسبوع مقدم اوراقه ومقبول نهائي

او الي يجيك وقت الي ننتظر فيه قبول الاحتياط مكان الي هجوا من الدوره ..يجيك واحد يقول لك انا عندي واسطه بعطيه ملفي هاليومين وبيحطني دايركت مكان اي واحد يهج !!