المقادير والطريقة كلهم مع بعض << توفير للحروف والوقت والجهد كم ظرف كيك اليمامه باي نكهه تفضلين .. افتحيه من الوسط وصفيه في صينية .. وتكون الكريمة اللي بوسط الكيكة جهتها فوق.. اوكيشن....! حضري كأس مويه في قدر على النار ضعي ظرفين كريم كراميل وحركيه ,, بس يغلي طفي عنه يبرد شوي صبيه فالخلاط .. حطي عليه في الخلاط علبة قشطة +17حبة بسكوت شاهي + ملعقة اكل نسكافيه .. تلخط الين تمتزج خالص خالص .. صبيها على الكيكة اللي في الصينيه خذي منخل (وبودرة كاكاو مُره) مثل هنتز هذي اطعم بكثير .. حطي بالمنخل وحركيه فوق الكريمة وهيك الين تتغطي الكريمة بالكاكاو.. اذهبي به الى الفريزر الى ان تجمد قطعيها باي شكل تفضلين ممكن تكون مستطيلات .مربعات .مثلثات . دوائر .اوانصاف دوائر او ....لايكثر حطي عليها حبات مالتيزرز وحركتات خطوط من صوص شوكولاتة هيرشي .. وتقدرين تسوينها طبقات وادوار الين سطح بيتكم لكن كثري المقادير يعني تصفين كيكة وطبقة كريمة وكيكة وكريمه....... وهكذا دواليك ومطرح مايسري يمري .. هذا ديدني وهذه طريقتي بالعاده اسويها كذا لكن صور هذي المره دايخه من الدوام مالي نفس انسق وهيك يحمدون ربهم سويت لهم حلى .. نأسف ع التأخير