مع أحترامي
زوجك غبـــي...؟



أتمنى ماتزعلي من سؤالي

بس وشلون يتخلى عن عمر قضاه 6 سنوات في القطاع العسكري
وله حقوق لاتقل عن 20 ألف

يرضى بالفصل بدون حق...؟ ليه
فيه شيء أسمه نظام عسكري
وفي شيء إسمه سلطه عليا

النظام العسكري ثاااااااابت مايتغير إلا بأحكام السلطه العليا
يحق لأي عسكري يسوي إخلاء طرف

يعني زوجك لو أنفصل صح إنه يقدر يلتحق بأي وظيفه يقبلونه فيها غير العسكرية
ولكن ضروري لهالشيء إحضار وثيقة فصل من جهته السابقة بعدم الممانعة في تعيينه.
او بالأصح يسوي تعديل مهنه

إذا اللجنه اللي يشتغل فيها
ماطلت في إخلاء الطرف
يتواصل مع اللجنه الأكبر
وبكذا حتى لو يوصل لقائد المنطقة
لجل توصله ورقة إخلاء الطرف
وعلى فكره هالشيء يماطلونه فيه إذا مايبونه يفصل لصالحه
لكن
لو يروح للقائد ويعطيه الموضوع من الألف إلى الياء مارح يرفض وبيخلص إجرائته


الشاهد يوم أقول إن زوجك غبي...؟
أعذريني ولكن لمصلحته

6سنوات تنحسب له خدمه وتضاف له في مرتبتة في الوظيفه الجديده
يعني لم يجيه التعيين
يكون يجيه وهو كأنه متوظف له 6 سنوات في الصحه
والراتب بيفرق وبيكون أعلاء
وممكن الدرجه تكون أعلاء كمان
حتى لو بالمقابل ماعطوه مستحقاته
يكفيك انه كسب خدمه 6 سنوات

الأهم من هالموضوع كله
يروح يخلص إجرائته بوزارة الصحة
ويسلم كل أوراقه المطلوبه
ويرسل برقية لقائد المنطقة إذا ماتم أي رد عليه
ويحتفظ برقم البرقية
حتى لو في يوم سار شيء وإلا شيء
يكون عنده رقم البريقة
ويقدر يحاجيهم فيها

وإذا مافي صدى لصوته
يروح للجنه العليا وإلا الوزارة
مع إني متأكد
لو يغثهم أسبوع على بعثه بشكل يومي
والله ليخلصونه بدري