محمد بن سرار المنبهي الشهراني
رحمة الله عليه
احد شيوخ وفرسان قبيلة شهران العريضه وهو صاحب البيت
ان عشت يا راسي كسيتك عمامه****،وان مت يا راسي فدتك العمايم
والذي اقتبسه الكثير من الشعراء في الوقت الحاضر في قصائدهم .....
ورد ذكر هذه القصيده في احد غزوات قبيلة شهران
((يقول ابن سرار))
ان عشت يا راسي كسيتك عمامه
،،،،،،،،،،،،،،،وان مت يا راسي فدتك العمايم
يا راس شيبك ما بدا بك مذله
،،،،،،،،،،،،،، والشيب تكرم به كبار اللمايم
الاجواد يكرم شيبها في مشيبها
،،،،،،،،،،،،،، نقالة القاله محوص الصرايم
ياما نطحنا في الصبا من قبيله
،،،،،،،،،،،،،، يوم الصبا والرمح للكيف رايم
و ياما خذينا تونا من كسابه
،،،،،،،،،،،،،، بسيوفنا راحت تقسم غنايم
و ياما نسفناهم على جال وادي
،،،،،،،،،،،،،،،، و ياما نحونا فوق سود الشكايم
اربع مية خيال جونا مسيره
،،،،،،،،،،،،،،جونا يبون الغرس حلو الطعايم
وقالوا يسار الغرس والا يمينه
،،،،،،،،،،،،،،امس لكم واليوم جا فيه سايم
وقلنا لهم من دونه الموت حامي
،،،،،،،،،،،،،،،اليوم نهدي الروح نخشى اللوايم
وثنيتها لعيون غرس بكاير
،،،،،،،،،،،،،،،،يثمر بهيبتنا غصونه نعايم
واخذت اطاردهم وانا فوق قبا
،،،،،،،،،،،،،،،، مثل الهدود اللي عن العشب صايم
تلحق ليا غارت ولا يلّحق بها
،،،،،،،،،،،،،،،،، شقرا ولا ضريتها بالهزايم
من يوم بان الفجر لين اعتلى الضحى
،،،،،،،،،،،،،،،،، وحنا نقلط للمسير عزايم
والله عطانا منصب الحق والظفر
،،،،،،،،،،،،،،،،،، يوم التقت بين القروم الولايم
يوم اسلموا للمنع واسندت عنهم
،،،،،،،،،،،،،،،،،،لياهم كما عشب لفح به سمايم
هذاك اسير وذاك يومه دنابه
،،،،،،،،،،،،،،،،،، وهذاك مكسور وهذاك شايم
هذا زمان فات ما ينفع المنا
،،،،،،،،،،،،،،،،،، يوم اذكر الماضي تزيد العضايم
الراس شاب وثالثة رجلي العصا
،،،،،،،،،،،،،،،،،،،والله يوقظ قلب من كان نايم
وانا ابن سرار علومي قديمه
،،،،،،،،،،،،،،،،،،،( محي عسرها طيب الليالي القدايم) لست متاكد من هذا الشطر
*********************************************8
ابن سرار كان متزوج من امرأه سبيعيه من ال محمد وعندما حملت طلقها لخلاف بينهم
واوصاها اذا كان المولود ولد ان يسمى عمر ويقص ابهامه الايسر وان كانت بنت تسمى رماده
ويقص ابهامها الايمن وفعلا انجبت المرأه ولد وسمته عمر وقصة ابهامه الايسر
وعندما كبر عمر سأل امه وطلب منها معرفة من هو ابوه فأخبرته ابوك ابن سرار
شيخ بالحكم من شهران فرحل لأبيه يقول ابن سرار بعد ان اخذ القوم ابل جاره
ويخاطب عمر.............................
لاياعمر يابوك أنا عارضي شاب
علي من جور الزمان انهزامه
راحت جلايب جارنا عند الاجناب
وغنيم صار مقدم للجهامه
وغنيم يوم انا نخيناه ماثاب
من لقوة القيمان تبرد عظامه
من عقب مانركب على الخيل بحراب
ونقابل اللي يلبسون العمامه
لاصار به يوم للأرواح قصاب
انجزي الخايف ونكرب حزامه
وخطوا الولد ماهوب للطيب كساب
نفسه معودها لدرب الملامه
عند الربايع لاتغربولاغاب
ثور قرونه حسها في سنامه
زوله كبيروفتنة حول الاطناب
ويزعل علي امه لاتوخر طعامه