اقتباس:
المشاركة الأصلية كتبت بواسطة الذيب الأمعط
وأنصحكم جميعاً بإكمال دراستكم في الخارج والحصول على البكالوريوس
لأن الدبلوم الآن لا تُسمن ولا تغني من جوع
أكثركم متخرّج من كم ؟ كم سنه ؟ سنتين ؟ ثلاثه ؟ اربعه ؟ يمكن خمسه ؟
ياخي حرام عليك هالسنين هذي اللي انت قاعد فيها , لو دارس يمديك ماخذ البكالوريوس ومتوظف
بشهادتك , بلا منّة فلان وعلان , وبدون تخدير ! فيه وظايف نازله قريباً .. فيه وظايف جديده ..ألخ
أنا إنسان ماحب إنتظار الإنتظار , يعني ماحب انتظر وقت بيمر علي راح اعيش فيه بالإنتظار
مسألة إني أنتظر الإنتظار , بتقتلني وبتقتل طموحي وحماسي
دعواتي لكم بالتوفيق والسداد وإن شاء الله الأمور كلها تزين , والله يكتب اللي فيه الخير . |
بداية اقول حسبي الله على الربيعة وعلى قرارته
ثانيا اقولك يا اخوي موفق بدراستك
وبخصوص كلامك اننا نكمل دراسة ولا ننتظر فاقولك يا طويل العمر لو عندي فلوس والله ما بجلس يا شيخ يوم واحد والناس كلها كذا لعلمك تبي تكمل وتدرس هالشي مفروغ منـه بس مو كلهم عندهم دراهم تقدر تطلع برا وتدرس او حتى تكمل تجسير داخل السعودية
ومن هذا المنطلق وش نسوي ؟؟ ما لنا غير الانتظار ؟ اشتغل كأشير يعني وانا عندي دبلوم تمريض وبأمتيأز ؟ او اشتغل سواق تكسي وبعد سنتين لازم اجدد الهيئة واجيب ساعات ومن هالكلام الفاضي ؟
قلي حل منطقي اوأفقك عليـه غير الانتظار ؟ مستشفيات اهلية وقدمنا من يوم يشوفونك سعودي قالو فاشل وتعال شف المقالبلات الشخصية والاسئلة اهم شي اكسبيرينس ما فكروا بلغتك ولا مؤهلك ولا شي يبون اكسبيرينس
قلي وش اسوي اذا ما عندي دراهم والابتعاث لا يشملنا ؟
خلها على ربـك بس ونشوف بالظالمين يووووووم
تحيأتي
