السلام عليكم ورحمه الله وبركاته
المشروع باختصار بس يبي له تعب وانتظام
خلاصه الموضوع لو احد منا يستاجر فتحه يعني محل صغير ويسوي له ديكورات تمام التمام ......ويعمل مثلا سمبوسه منزليه وبسبوسه وكنافه وجميع الحلويات المنزليه تمريه قهوه بيتزا شاي .............,الخ,,,,,طبعا الاهل في البيت يشتغلون فيها او الشغاله تساعدهم ,, بس ماتشتغل . من الضهر او قبل الضهر حتى لين العصر ومن بعد العصر ينزلها في المحل ويجلس لين الليل بس يبي لها موقع كويس و دعايه ,,
او يتم الاتفاق بين شخص وبعض المتواجدات في المنتدى اذا كانوا من منطقه وحده وقريبين من بعض ....عليه المحل والبيع , وعليهم الشغل في البيت ...وتوصيل الطلبات للمحل عن طريق السواق اواي طريقه ......
المهم هذي اول مشاركه لي وقلت انزلها لاني افكر فيها من فتره طويله لاني شايف شغلها والله ماشي بقوه وخاصه في ابها واعرف ناس يدخلون من 30000 الى 50000 في فتره الصيف بس وصاروا الان في الصيف وغيره يعني طول السنه بس بدون محل على الشوارع
بس انا قلت محل لاني عارف الجو حار في المناطق الثانيه والي يجرب في الثمامه في الرياض وقت الربيع يشوف الشغل
في الاخير الله يرزق الجميع الرزق الحلال واسف اني طولت عليكم