كان من أول العزاب يسكنون داخل القاعدة وما يطلعون منها << اجباري


واذا يبي يخرج يقدم على رخصة يومين << وما يعطونك اياها الا بملعنة وقلة حيا



لكن الحين انتهت هالاشياء في القواعد الجوية


وسمعت ان بعض قطاعات القوات المسلحة للحين تطبقها



الحين لك الخيار يعني اذا تبي تسكن بالقاعدة ولا تسكن برى


والسكن بالقاعدة يعني داخل السرية << غرفة فيها سريرين ودولابين


يعني انت ومعك شريك بالغرفة واذا مافي أحد تسكن فيها لحالك وتقفل عليها بمفتاحك


وعندك الميز فطور وغدا وعشا << نفس الشركة اللي بالدورة ونفس الأكل


وسواء أكلت فيه أو لا انت مخصوم من راتبك 500 ريال اعاشة


أما الـ الاعاشة اللي تستلمها تسمى اعاشة اضافية << تنزل بحسابك كل 3 شهور


وتنزل شهريا بشروط يعني اذا كنت متزوج + عقد ايجار + اثبات سكن من العمدة



واذا سكنت بالسرية تروح وتجي وتطلع بأي وقت محد يكلمك ولا يقولك وين رايح


والتلفزيون يكون بصالة السرية << يعني مهوب داخل الغرفة


وما يعيب السكن الا ان بعض السرايا مكيفاتها رايحة فيها ولا تنسى اننا داخلين على صيف



وبالنسبة لقاعدة الملك عبد الله


فيها سكن مستقل للعزاب بـمبلغ رمزي << يعني غير سكن السرايا


والمبلغ 200 مدري 300 ريال الشهر << بصراحة ناسي


تاخذ راحتك فيه أكثر من سكن السرية << يعني السكن لك بلحالك مابه شي مشترك


ومدري اذا باقي القواعد فيها أو لا