المشاركة الأصلية كتبت بواسطة قلاديو

السلام عليكم صباح الخير ياوجيه الخير

عندي لكم اخبار امس كنت بالرياض ورحت فرع الوزارة ونصيت شؤون الموظفين ،،

يوم قلت اني اسأل عن الدفعة الثانية حولني للمكتب الي بجواره وهو مكتب لجنة المسابقات ،،

ولقيت رجالً شقردي الله يجزاه خير وقلت اني ابستفسر عن وضعي

وقالي عطني رقم البطاقةاشوف كم رقمك ،، << فهمتو ياشباب انا مثلكم مافهمت ورجال فهمني ان كل الي سوو مقابله مقبولين وداخلين بالسستم لمدة سنة الي تاريخ 1/1

ورقم هو الرقم التسلسلي الي يتحدد من درجاتك من الاختبار التحريري والمقابلة الشخصية

يعني انت مثلاً رقمك 90 وبمنطقتك عينو 70 واحد

وجاء موعد الدفعة الثانية ومنطقتك بحاجه لـ 20 شخص

انت بتكون من ضمن الدفعة الثانية << اوصلت ياشباب المعلومة

وقالي سبب التأخير يحترون الترقيات والتثبيت وبمجرد ماتصير هالحاجتين يعلنوون الدفعة الثانية ،، واحتمال تكون شهر 7او اقصى اقصى حد بعد رمضان



واذا جاء 1/1 تكون المسابقه ملغاه بحسب قانون وزارة الخدمة المدنية لكن اذا رأت وزارة العدل الحاجة للاحتياط وعدم مقدرتها لاجراء مسابقة جديده ،، بإمكانها تقديم استثناء من الخدمة المدنية << وهذا كله كلام الموظف

الزبده تفائلو بالخير والله بيرزقنا على قدر ماتعبنا وصبرنا على هالوزارة وهذي الدنيا مافي شي يجي بالساهل ،،

سامحوني على الأطالة وهذري الواجد ،،

ادعي لي ولكم من قلب عسى ابواب الرزق أن تُفتح لنــــا قولو اَمين..