سؤال حيرني ..بعد ما كنت مؤمن بأن المشروع التجاري افضل بمراحل

الحين المشروع التجاري لازم تشتري كميات من البضائع بالجملة ,وسعر الجملة اقل من سعر القطاعي ب10 او 15 ريال , فإذا دفعت مبلغ وقدره ....... , لشراء البضاعة , وش يضمن لك انك بتصرفها ؟ أنا كل مدة قصيرة اروح للسوق المعروف بالزحمة عندنا , وكل ما رحت لمحل اشوف البضايع مكدسة , وارجع له باليوم الثاني اشوف البضايع نفسها ما تحركت !

وأساسا بتربح من الحبة الوحدة 10 او 15 ريال , بس عندك بضائع مكدسة شاريها انت قبل !
ووراك ايجار المحل وراتب العامل اذا عندك وفواتير المحل من كهرب او غيره وفواتير جوالك انت وغيره من الالتزامات , وفي النهاية كم تتوقعون بيصير الربح الصافي في جيبك ؟ مهما كان مشروعك , بعد ما استهلك المشروع من التعب الجسدي والنفسي وطول اليوم تفكر فيه , واحتمال كبير تتسلف , يعني يصير وراك هم الدين بعد

في حين ان الوظيفة تداوم ساعات معينة باليوم ولك اجازة ترتاح فيها بعد , ودخلك مضمون عدد من الآلاف

الحين أبي رايكم مين احسن ؟الوظيفة او التجارة ؟ مع السبب والشرح
لحد يقول لي اكيد التجارة شف المحلات الكبيرة مثل رامز وغيره, انا ما اقصد بشكل عام, انا اقصد للي ما عندهم مصدر للرزق حاليا
مشكورين

ملاحظة : أنا بنفسي اروح لسوق الجملة عندنا واسأل عن سعر الجملة لعدد من البضائع اللي لها سوقها