اقتباس:
المشاركة الأصلية كتبت بواسطة صعب حالي
ياأخوان إلى تجيه رساله بعد المقابلة الشخصية هذا قبول نهائي ولا ؟
|
مرحبا اخوي
اذا وصلتك رسآلة بعد المقابلة الشخصيه ان شاء الله
راح يكون كل شي فيها واضح اللي هو تسليم الدفتر الاخضر
ورآح يعطونك الطلبات ويحددون موعدد الدورة
والله يوفقنا وياك يارب
اقتباس:
المشاركة الأصلية كتبت بواسطة مبتسم
بما أن البعض استلم الملف الاخضر
ياليت الي يعرف .. يجاوب
في الغلاف (الصفحة الاولى ) هل أعبيها أو اتركها فاضية
في صفحة رقم 3 هل اعبيها .. وما المقصود بالمعرفان هل اكتب اسامي اخواني ؟
في صفحة رقم 5 تم ذكر المعرفين هل اسجل نفس المعرفين في صفحة رقم 3
السؤال الاخير : اطلع للأحوال قبل ماأعبيها أو لازم اكتب المعلومات ؟؟
|
حياك الله خيي
الصفحة الاولى طول الله عمرك ايه لازم تعبيها اللي هي بياناتك الشخصية
والصفحة الثالثة كمان ضروري تعبيها
والمعرفان يكون خالك او عمك او احد يعرف العائلة الكريمة
صفحة رقم 4 و 5 فيها معرفان تذكرهم حاول انك تكتب اسم احد اخوانك الكبار او زملائك يعني اي احد يستطيع التعرف على العائلة الكريمة ومكتوب في صفحة 4 و 5
(الاسم الرباعي لشخصين معروفين في البلدة او المكان الذي تقيم به يمكن بواسطتهما التعرف عليك وعلى اسرتك)
طبعاً الكلام واضح
* نقطة مهمة : بالنسبة للمعرفين في الصفحة رقم 2 لازم تآخذ صورة من بطاقاتهم لانك رآح ترفقها في الملف في صفحة رقم 14
وبالنسبة لسؤالك الاخير : انا رحت للاحوال قبل لا اعبي شي واهم شي بطاقتك تكون معك وان شاء الله تمشي امورك
الله يوفقنا وياك ويسهل امورنا واموركم
اقتباس:
المشاركة الأصلية كتبت بواسطة الا متى العطاله
كيفكم يا شباب المقابلات بدات من يوم 18-6وفي ناس تقول مواعيدهم 3-7يعني على كذا 3 اسابيع كل يوم ياخذون 200شخص 200في 15=3000 يعني بالقبول المبدئي قبلو 15438واللى وصلوا للمقابله الشخصيه تقريبا 3000والباقي طيروهم يعني ان شاء الله الي ماعندو سوابق راح يطلع رقمه بالفرز النهائي هذا مجرد فلسفه من عندي وتوقعات وبالتوفيق للجميع.
|
نقول ان شاء الله
اما بالنسبة للي طيروهم على كلامك
هذولا يمكن ما مشوا بالكشف الطبي وغير لائقين عسكرياً
والله يوفق الجميع ان شاء الله
اقتباس:
المشاركة الأصلية كتبت بواسطة سفير مطير
طيب يا عيال ابسالكم هالحين لو احط المعرفين والشهود كلهم شخصين بس هل فيه ضرر ؟
|
امم بالنسبة لصفحة رقم 2 حاول انه يكون عمك او خالك وخذ صورة من بطاقته
اما بالنسبة لصفحة 4 و 5 حاول انك تنوع فيهم بحيث يكون قريب لك او صديق لك يعرفك ويعرف العائلة الكريمة
الله يوفقنا وياك يارب والجميع ان شاء الله
ما اطلب منكم شي حبايب قلبي
غير الدعاء لي ولكم وجميع المقدمين
وان شاء الله الجميع من المقبولين
الله يوفقنا وياكم ويسهل امورنا واموركم يارب
دمتم كمآ تحبوون
