وعليكم السلام ورحمة الله وبركاته

اخوي اول شي السعر غالي 150 الف حق ايش بالضبط يعني تقبيل المحل مع البضاعه فهذه مشكله التقبيل ماأنصحك فيه ابدا.

وثانيا اليماني هل هو على كفالتك اذا نعم ممكن أوكيه مع اني اشوف انه يعطيك 10 الاف في الشهر وش مستفيد هو يعني بيطلع دبلها في الشهر يعني 20 الف مو معقوله ابدا.

اما اذا ماهو على كفالتك بيشتغل ولاهمه ان حصل شي أو لا واخرته يفرك لها ويخليك متورط .

فنصيحه لوجه الله لاتورط نفسك وانت في غنى عن ذلك وبالمبلغ افتح لك مشروع لك من جديد لاأن التقبيل غير مجدي ويمكن تخسر لاقدر الله .

وانا عن تجربه محل جوالات كان مكسبه في الشهر 10 الاف أكثر شي وأخذته تقبيل ولكن من اخذته مدخول الشهر من 5 الى 6 الاف وكان الايجار 40 الف وأختلفت مع العمال المهم ماحصلت منه خير وخرجت منه بأقل الاضرار والحمدلله.
وشغل الجوالات مافيه فائده الا في الصيانه والجوالات المستعمله مع الاكسسوارات طبعا .

وبالتوفيق ان شاء الله