مرحبا اخوي الباحث حمد الله على السلامه من طول الغيبات جاب الغنايم

انا باذن الله الواحد الاحد نويت انضم لفكرة الاسر المنتجه لكن قبلها حبيت اخذ دورات تفيد مجال المشروع اللي ابي ادخله...لكن بعض الاخوات سألتني عن المشاريع اللي يدعمها الضمان الاجتماعي
هل هي مشاريع محدد ام مفتوحه؟
...اذا محدده ماهي تلك المشاريع؟ وماهي شروطها؟
..وهل تم الموافقه على احد مشاريع الاسر المنتجه؟ ام لم يتم الموافقه على اي مشروع؟
...وماهي ضماناتكم لهذه المشاريع؟ ...
والى اي مبلغ يتم دعم هذه المشاريع؟

كمان عندي استفسار انا ودي اكفل عامل واشغله سواق لي وبنفس الوقت بخليه الموزع لمشروعي هل اقدر والا ممنوع؟

الحين الوحده لصارت تابعه لضمان ماالفوائد التي تعود عليها غير الفائده الماديه؟
بضربك مثال الحين اللي تابعه لضمان تقدر تدرس التمريض بالاكاديميه للعلوم الصحيه ببلاش على حساب الامير سلطان طول الله بعمره
على مثل هالمثال هل هناك مساعدات مثل منح دراسيه او غيره تقدم للاخوات التابعات لضمان؟
ادري اسالتي كثيره بس احب اكون ملمه حين اي وحده تسالني تلقى اجابه شافيه عندي لان نفس الافكار اللتي تطرا بالي اكيد بتطري على بالهم فاحب تكون الاجابات متوفره عندي من مصدر موثوق وانتم مشاء الله ما تقصرون اعتمد عليكم باجاباتي لانكم انتم مصدري الموثوق

وشكرا