شوف ياطويل العمر حالي كان مثل حالك

نكد في نكد حتى الناس صاروا فالشارع مايسلمون علي يحسبون مدلع وابغا نومة البيت هاذي امور لازم تجيك

في الحياهـ إن كنت معاك ثانوي ولا جامعه ولا اي شيء

محدثكـ <<< حلوهـ محدثكـ

متخرج الاول على دفعتي في الدبلوم معدلي 4.61 وكنت فرحان ومبسوط وراح القى احلى وظيفه واحلى سيارهـ

ولكن الواقع يقول غير كذا معاك واسطه تمشي مامعك مكانك سر

اذكر واحد كان يدرس معي والله مايفهم في الحاسب الالي شيء والان موظف في الجامعة بواسطه وراتبه

فوق الـ 7000 اللهم لاحسد وانا مقدم معه بس الواسطه وانت ادرى وكل مكان اقدم فيه اوصل للمقابله ويوعدوني بالوظيفه

بس مرهـ ثانيه تطيرنا الواسطه حتى حالتي النفسيه تعبت وخوالي قاطعوني يقولون عني مدلع وراعي نوم

ومسوي نفسي ولا سمعت شيء

<<< راسه يابس

الي يوم من الايام قاعد اوسوس مع نفسي متى اخر مرهـ قريت القران

كانت في رمضان اللي راح وبس سورة البقرة قلت يالله مع بداية شهر 1 السنة هاذي راح ابدأ واختم القرآن ولاقد ختمته في حياتي والله

وبديت اقراء واستغفر وانا امشي ولا فالسيارهـ واقدم فالوظايف وصابر وختمت القرآن شهر 4 وحسيت براحه عجيبه بعد دعاء ختم القرآن

الا إن جاء تقديم امن المنشآت واقدم ولا لي نفس وتوقعت الصراحه مايقبلوني وانقبلت مبدئي وقلت يالله نجرب حظنا

وروحت الموعد وجاء موعد الكشف وقلت 100% ابا انطرد

لان فيه حادث في ركبتي اليسار وعديت والحين والله ماباقي الا الدورهـ باذن الله واذا مالي نصيب فيه عادي

ادور غيرها رزقي مكتوب من قبل لا اولد ولا انا شايل هم


بتسمع كلام والله بتسمع كثير لكن عايدي ولاعليك فاحد اهم شيء رضى الله ووالديك

ابدا في ختم القران كل يوم سوره بس وربي امورك كلها تنفرج

اهل القرآن اهل الله

والمعذرهـ على الاطاله

موفق خير ولاتقنط من رحمة الله