شينها لاصرت ذيب (ن) تايه العلم أمغبون
بين هم وغم وأحلام وتصاوير وخيال
استكن الهم فيني وأستقرت بي طعون
قلت ياهم أبتعد قال مافي لك مجال
ويش اسوي دام دمعي عند ربعي مايهون
وما فزعلي بالشدايد لاعمام ولاخوال
هلت الدمعه بعيني كثر ما هل المزون
وضيقه بصدري تهز القلب هزات الجبال
طارت أحلامي وضعنا يا صديقي بالضنون
وكل شي (ن) قد بنيته انهدم قبل الكمال
عاندوني بالنذاله كل ربعي أجمعون
الحمايل والقبايل والعوايل والعوال
يفرحون بهم اخوهم يابو ترمس يفرحون
صارت الدنيا غريب بالهبال وبالخبال
هل يادمع المفارق هل يادم الشجون
وصب لي من دله الهاجوس فنجال المحال
قبل يرحل قام يبكي قال أنا جاني جنون
وليت ربي ما خلق لحظة فراقك بأبتهال
قلت أنا يابنت عمي هكذا الدنيا تكون
مره الدنيا فراق ومره الدنيا وصال
غصب عن عيني وعينش قامت الدنيا تخون
لعنبو دنيا تفرق من بغا بنت الـــــــحلال
دام عمي للوفا يابنت عمي ما يصون
عزوتي ضاعت وضعت وضاع حسنش والدلال
صدقوني لو يطول الهرج والله تقهرون
ما فهمتو وش اقول وما فهم راع السوال
خلها بالصدر تجرح قبل تقراها العيون
خلها في كبد راعيها تعذب به حلال
ويل حالي يابو ترمس أثرني كنت أمغبون
ويل حالي ويل حالي أنغبن ذيب الرجال
بقلم/ الحب لولا مزنه الله يرحمها