من خلال قراتي .. لموضوعك وقرات الردود !
اتضح لي انك مايمديك تطلع بعثه على حساب الحكومه !
شف وانا خوك لو اخذت السياره قل ب هـ 40 الالف اللي معك حلو !
طيب بالله انت تبي تضمن السياره تمشي معك للاخر ! يعني شيء طبيعي السياره ماهي جديده
راح تواجهك فيها اكثر من خراب وتبي تعاقد الصناعيه ! وانت فاضي انت جاي تاكل عيش ولا توكل هالسياره !
طيب نقول انك موظف يعني طول الله عمرك تبي تغرب وتعزب وتبي تاكل وتبي تصرف على هالسياره من بانزين وما ألخ ، وتبي تسافر لاهلك وتبي تعطي اهلك .. وقل احتمال بكره تفكر ب الزواج والمصاريف ماتكفي واحتمال وظيفتك البنك مايعطيها قرض .. والخ والخ !
طيب يابن الاجواد .. انت ليش ماترضى ب المر القليل والحلا الكثير !
يعني ادرس كلها سنتين ولاثلاث ب الكثير وراح تلقى لك وظيفه تغنيك عن السلف بيوم 15 ف الشهر ههههه بإذن الله
ف نصيحتي لك والله يوفقك ان شاء الله
انك طول الله عمرك تطلع على حسابك .. اذا جبت معدل من الترم الاول .. برى راح ترجع لك فلوسك او نصها !
واحتمال كبير جداً انهم يضمونك لـ برنامج خادم الحرمين !
بس ب الاول نسيت انت شغله بما انك خريج كليه تقنيه !
ليش ماقدمت على الدوره المكثفه الانجليزيه !
دوره مدتها مايقارب سته شهور يمشون لك مكافاه الف ريال !
مدرسينها بريطانيين وامريكان ، شهادتها معتمده .. وراح تاخذ شهادتها سواً اجتزت هالدوره او لم تجتاز !
انا اعرف اثنين دخلوها .. واحد اجتزاها .. وبعد ما اجتازها قدم ع برنامج خادم الحرمين يقول والحمد لله من شافوني مجتاز هالدوره .. قبلوني وهذا هو ينتظر اسمه !
والثاني ما اجتازها وقدم على عسكريه من شافو شكل الشهاده بس وظفوه ههههههههه بما انها شهاده عالميه شوي وهي ارزاق من رب العالمين !
ف الدوره هذي تبي تنفعك كثير صدقني .. سواً ف لغتك او حياتك المهنيه !
انصحك اخوي لاتصبر اكثر من كذا !
استخر .. واطلع على حسابك واخذ كافه المعلومات !
والله يوفقك بس صدق انت دخلت الدوره المكثفه ولا !
اذا دخلتها واجتزت لاتشاور توكل على الله واذا مادخلتها قدم عليها .. يقبلون عادي مافيها استثناءات !
والله يكتب لك اللي فيه الخير .. ويوفق الى مايحب ويرضى !
اهم شيء لاتنسى [ الاستخـااره ] استخر مره ومرتين وثلاث .. وان شاء الله مايكتب لك الا اللي فيه الخير !
موفق خير !