اقتباس:
المشاركة الأصلية كتبت بواسطة ماجيدود
صادقه الاخت الي فوق وذكرتني بمشروع كنت اتمنى اسويه من ضمن افكار ماقبل النوم وهو طبعا بيننننجح اذا سويتوله اعلانات
وميزته غير موجود. او نادر
وهو ملابس صينيه شعبيه وكماليات صينيه شعبيه.
مثل ملابسهم اللي تقول بالطو ومثل المقصات الي يحطون بشعورهم الي تقول اكس وملاعق الاكل وغيره.
واسميه تشاينا ستور
الله من الدراهم بهالمشروع.
وتمنياتي لكوبالتوفيق
|
ما شاء الله عليك اخوي 
عندك افكار حلوة وغير متقيدة وشجاعة
احيي فيك هالفكر وهالروح المتفائلة
فعلاً أنا جربت أجيب معاي من الصين ملابس من الملابس الشعبية بالصين كهدايا
ولاقت قبول من اللي انا جبت لهم واثنوا عليها مرة ..
بس الأسئلة المهمة هي:
هل هي تحمس لأن تفتح محل عشانها أو تكون مجرد طفة او فزة لعدة ايام وبعدها يبور المحل ؟!
يعني المشروع يبي له دراسة جدوى بسيطة عشان تقيس مدى درجة الرضى عن هذه المنتجات فالسوق السعودي أو على الاقل في البيئة حقتك .. !!
وكم عمرها الافتراضي ؟!
ومن هم الشريحة المستهدفة ؟!
وماهي المواسم المستهدفة ؟!
وماهو الإيراد أو الدخل المأمول منها وما هو الغير مأمول ؟!
وما هي الاسعار المقبولة لهذه المنتجات والغير مقبولة ؟!
[ لأني اعرف ان الصينيين يرخصون كل شي الا ما يتعلق في ثقافتهم يعني ممكن انها تطلع عليك غالية بالصين !!!! مدري ]
والله يوفق ويرزق ان شاء الله .. 