المشاركة الأصلية كتبت بواسطة عاطلة منذو مبطي

المعامله الزينه تحبب الطالبات فيك .. انا درست في مدرسه اهليه متوسط قالو لي المعلمات الله يعينك على هذا الفصل فيه وحده ملسووونه وقليله ادب ماتحترم احد وكل شوي مطلعينها ..
المهم دخلت ع الفصل وكنت عارفه البنت من المعلمات تعاملت معهم كأخت قبل ما اكون معلمه .. والله والله ان البنت اللي يشتكون منها انا ماشفت منها الا كل ادب واخلاق وهي قبل ما اجي ترتب الفصل لي وتمسح السبوره وتجهز كل شي لي ودفترها من احسن الدفاتر مع التحضير للدرس وتمسك الفصل لا يطلع برا اذا تأخرت ماجيت .. واذا انتهيت من الدرس تجي تجلس عندي تسولف بكل ادب واحترام .. قلت للمعلمات وين اللي تقولون عنها هي من احسن الطالبات عندي ..
وعند معلمه عصبيه اشوفها هي وياها بهواش كل حصه لان المعلمه استخدمت طريقه التسلط والسان مع الطالبات ..