السلام عليكم ورحمة الله وبركاته
بسم الله ماشاءالله ولا حول ولا قوه الا بالله العلي العظيم
اختي ماعرف كيف النظام في السعوديه
بس اتبعي النقاط التاليه وباذن الله بتوصلين خيراااااا

1_كلمي الاداره المسؤله عن الاستاجار
2_استفسري عن قيمة المتر في الخيمه او بالكورنر
3_هل التقسيمات عليكم ولا عليهم ولا بتكتفين بطاوله وكرسي
4_اهتمي بخلفيه مصممه حلوه ملفته من خلف الكرسي تبين من بعيد للجذب ويكون شكلها مميز
5_ابحثي عن صديقات للمشاركه في اجار الركن قسم الاجار عشان يكون على اربع او ست وكل يوم وحده تبيع او وحده تبيع للكل وتخصصون الها نسبه بسييييييطه في البيع لو درهم عشان تتحفز وتبيعلكم اكثر
6_درسي المجتمع الي عندج شو ناقصنه هاتي اشيء جديده ومميزه
7_راسلي التاجرات فيالمنتديات ساليهن اذا حد يبا يشارك في بضاعه تكونين شبه مندوبه تبيعين الهن بالنسبه
8_راسلي المنتدياتالخليجيه والعالميه وخذي اشيء مميزه هاتي عدد قليييييييييل جدا اا نجحت هاتي عدد اكبر
9_لاتنسين تخزين رقم كل مشريه عشان كل ماتسوين معرض او يكون عندج منتج جديد تراسلينهن
10_اذا فتحتي ان شاء الله ابلغيني قبلها باسبوع ممكن اوفر لج منتج نشوف ردت الفعل في الطائف
ولا تنسينى من دعائك الطيب