هلا اخوي .. ما ادري هل انت درست المشروع من كافة الجوانب ؟؟

المسألة مو مسألة بكم اجيب الاسمنت من المصنع ... وبكم ابيع للزبون

شوف التكلفه اولا ....

عندك ايجار تريلا ... وعندك ايجار سيارة دينا ... وهنا هل تكفيك دينا واحده او اكثر ؟؟

لنفترض ان التريلا حمولتها500 كيس واعتقد ان حمولتها فعليا مابين 500 الي 600 كيس كحد اقصى

وين راح تودي الاكياس ؟؟؟ بتخليها في التريلا واقفه بالشارع انتظارا للزبون ؟؟؟

بكم يكلفك ايجار التريلا مشوار للمصنع لاحضار الاسمنت ... وايضا وقوف يوم او يومين لحد ما تبيع ؟؟

لو افترضنا ان التريلا راح توقف بالشارع معناته نحتاج على الاقل سيارة دينا لتوصيل الاكياس للزبون

لان مو معقولة التريلا راح توصل للزبائن .... ومو معقول ان الزبون راح يستأجر دينا من حسابه الخاص

فالتوصيل عليك انت يالتاجر

معناته الان عندنا ايجار تريلا لجلب الاسمنت من المصنع وايجار لها للوقوف لحد ما تبيع كامل الكمية .. و ايجار دينا للتوزيع .....

ثانيا :

طيب لو افترضنا انك ما راح تستأجر التريلا للوقوف بالشارع ... فقط تستأجرها لجلب الاسمنت من المصنع

معناته راح تنزل كامل الحموله من على ظهر التريله لسيارات اصغر وهي الدينا ...

طيب بهالحاله كم دينا راح نحتاج ؟؟؟ مو اقل من 3 دينات ... كم ايجارها اليومي ؟؟؟

احسبها وشوف وانا اخوك ....

الحاله الثالثه :

انك تستأجر حوش او بمعنى اصح تستأجر مستوع مغلق من فوق عشان المطر ما يجيك ويخرب اكياس الاسمنت ...

بكم ايجار المستودع ؟؟؟؟ لازم كمان نحسبها

لما نحسب كل ماسبق ونخلص ... روح احسب تكلفة على الاقل عاملين للتحميل والتنزيل ....

راح ينزلوا من التريلا الي الدينا ... ومن الدينا الي منزل الزبون ... بكم ؟؟؟ وكيف راح تتفق معاهم ؟؟

هل تتفق معاهم بالراتب ؟؟ او بعدد الاكياس المحمله والمنزله ؟؟؟؟


بعد كل ما سبق .. هل هامش الربح يكفي لتغطيه كامل المصاريف والخروج بربح ؟؟؟

كم مره استطيع ان اشتري الاسمنت من المصنع ؟؟؟ كم مره باليوم ؟؟ بمعني بكم مره بالشهر اقدر ادور رأس المال حتى اغطي كامل المصاريف ؟

هل كل يومين مره ؟؟ او كل ثلاثة ايام مره ؟؟ ان كان كذا راح تلاقي نفسك خسران ...

للمعلومية : هامش ربح الاسمنت ضعيف جدا لان سعره من المصنع مابين 10 ريال الي 11.25 ريال

والبيع عادة مابين 13 الي 14 ريال للكيس للزبون .. فالهامش هنا ضعيف هل يغطي كامل مصاريفك وارباحك ؟؟؟

ابحث تجد الاجابه ... وفقك الله