المشاركة الأصلية كتبت بواسطة ضاعت ايامي

السلام عليكم .. ورحمه الله وبركاته

وصباح الخير .. للجميع

ومعليه ياشباب .. والله أني قطعت النت لظروف خاصه ما اقدر ادخل النت يوميًا لكن جيت اليوم وشفت بعض الردود وحبيت .. اشارك الشباب

بالنسبه للي يقول انا من شفت ضاعت أيامي يقول ان دورة الشرقيه جندي فني وانا غاسل يدي

.. يالغالي لو ترجع لبدايه الصفحات في موضوع المباحث تبي تشوف اني كنت اقول .. مستحيل تكون جندي فني وكانوا المقدمين الي في الشرقيه يقولون انها جندي فني وشوف الإخوه الي في الشرقيه كانو يقولون انها جندي فني بعد الكشف الطبي

فمستحيل .. كيف اعارضهم واقول انها جندي عادي وهم يقولون جندي فني !! وهم اهل الدوره ومقبولين نهائيًا ؟؟

هذا الشيء الاول .. الشيء الثاني يالغالي انا لاني عقيد ولاني عميد ولاني لواء في المباحث عشان تكون كلمتي مسموعه في المنتدى ويصير كلامي هو الي ماشي

انا اقول الكلام الي اشوفه من الاخوان الي متقدمين .. بالنسبه للمراكز الثانيه هم قالو لنا انها جندي فني وانا قلت .. للناس انها جندي فني

انا كلامي كله على مركز الجوف ..

مركز الجوف الدوره الي قبل .. انا قايل لـ الاخوان ( رفحاوي ، ومقدينيو .. الخ كلهم الي دخلوا الدوره ) قايل لهم ان الدوره في شهر ثلاثه وهم مايدرون وقايل لهم هالكلام من شهر 1

والحمدلله طلع كلامي سليم لاني جايب الخبر من مصدر في المباحث

مو كل كلام اقوله هو الصادق وما ابيك تمشي على كلامي واذا تشوف في كلامي مشكله ياخي لا تشوف كلامي واسحب علي ما احتاج انك تشوف .. ردودي

انا ترى غني عن هالمنتدى المصدر الي يوصل لي اقدر اخليه بيني وبين نفسي وافيد نفسي فيه واطلع وش علي فيكم

انا علي في الاخوان الي مقدمين معاي في الجوف افيدهم والاخبار الي توصل لي اول باول انزلها لهم في المنتدى فقط لا غير ..
ان صابت فماهو مني من الله .. ومن المصدر الي جابه لي ومن الرجال الي اتصل عليه

وان طلعت فماهو مني من الله .. وهذا شيء ربي رايد انه يصير

على العموم .. مو ملزوم كل شخص في المنتدى انه يتابع مواضيعي اذا صارت مواضيعي وردودي بالنسبه لهم هي القرار الحاسم وهي الخبر الأكيد

وانا الاخوان الي في المنتدى اغلبهم معاي في المسنجر والي متصل معاه بالجوال يكفي اتصل عليهم واقول لهم بالاخبار لو يبون مايحتاج أني اخش واتعب نفسي واشارك في الهم

على العموم يعطيكم العافيه .. واسفين اذا جاء منّا قصور

وبالنسبه للدوره الي في الجوف الين الحين الرجال الي اتصل عليه في الرياض يقول انها في سبعه وهذا والله أعلم .. ياشباب

واسفين على القصور

مع السلامه