السلام عليكم ..

حياكم الله أحبتي جميعا ، وأشكر لكم تفاعلكم وحسن ذاتكم ..

ولا أخفيكم ، وصلني بالبريد حتى الآن أكثر من 100 سيرة ذاتية ، ولا عمل معنا منهم إلا 4 أشخاص فقط ..

أحبتي .. أغلب السير الذاتية اللي تصلني :

إما تكون مرسلة وصاحبها ما يدري إلى مين أرسلها ! وإذا رديت عليه ، يقول : عفوا .. أنت أي شركة ؟!! مباشرة تعرف إنه ما يصلح مندوب ! فيه ناس ترسل بشكل عشوائي ، لكن يرد بلباقة ! تعذره ، لكن واحد آخذ المسألة فوضوية ،، مشكلة ..

وإما يجيك واحد حريص ، ويدور رزقه ، لكن للأسف شخصية المندوب ليست عنده ، فهذا يحرجك ..

وإما يجيك واحد مستسهل الشغلة ، ويحط بباله إن شغلة المندوب سهلة وما عليها هم .. وهذي أيضا مشكلة ، ولا يتصور أحد إنه يبي يجيب ال15000 وهو ما يطلع إلا يومين بالأسبوع ، ومغربية بس ..

أحبتي .. أسأل الله أن يرزقكم جميعا الرزق الحلال ، ويغنيكم بحلاله عن حرامه ، وبفضله عمن سواه ، وأن يسعدكم دنيا وأخرى ..

فالآن .. اللي يرى نفسه ! مندوب ! مندوب ! مندوب ! شخصية .. لباقة .. قدرة إقناع .. مهارة تواصل .. تحمل ضغوط .. صبر ..

فحياه الله ..

موفقين أحبتي جميعا ، واعذروني على الانقطاع ، والله يعين ع الامتحانات ..

أخوكم ..