السلام عليكم ورحمة الله وبركاته
اشوف كل مشاريع الشباب مغاسل كوافير خضار....الخ
وهذا يساهم في رفع الايجارات والتزاحم على المشاريع مايؤدي الى ملل صاحب المشروع وزيادة الاموال النائمه في البنوك لاصحاب العقارات.. اضافه الى تعب وجهد صاحب المشروع وضياع وقته .. هنا لو تكلفة مشروعك 50 الف ومردوده الشهري 3000 انت خسران.. بالنسبه للاشياءالمبذوله من تعب وغيره.
طيب وش رايك في مشروع راس ماله 1000 ريال ومردوده الشهري من 300 الى 500 ريال بدون ايجار بدون مواصلات بدون عمال بدون تعب وينفع للكل بنت ولد شاب شابه هنا انت ربحان الف في المية بالنسبة لسهولة واريحية المشروع
المشروع مكرووه عند اكثر الناس لأن الاغلبيه جربه بشكل غير صحيح
المشروع هو الاسهم ..
المشروع يحتاج محفظة في احد البنوك ...
المتابعه تابع الاسعار في التلفزيون والبيع والشراء عن طريق جوالك يعني ماتحتاج حتى كمبيوتر واتصالات..
ثانيا 1000 الف ريال
لا تزيد المبلغ حتى لو كان عندك دراهم ومليان
ثالثا لا تشتري اي سهم اخضر مهما كان سعره والكلام عنه
رابعا تشتري بعد اليوم الثالث من عملية جني الارباح او نزول السوق لاي سبب
خمسه تفعل وقف الخساره بالي يريحك ( يعني شريت السهم ب 11 ريال نزول نص ريال تبيع وتنتظر فرصة اخرى
لا تبحلق عيونك في الشاشه طول وقت التداول وتسوي فيها مضارب
لا تاخذ شيئ من المبلغ مهما كانت حاجتك
خلك على هذا المنوال وباذن الله ال 1000 ريال يكبر وتزيد راس مالك من مكسبك يعني انت اليوم شغال ب 1000 ريال بكره تشتغل ب 4000 من الالف نفسه واذا واجهتك اي خساره بسيطه مستقبلا بتكون من مكسبك ..
بعد ماتتوفق وتنجح تقدر تزيد راس مالك وتوزعه على اكثر من شركة بنفس الطريقة ولكن بالتدريج
الدخول بمبلغ كبير يعني الخساره حتى اذا كسبت اول مره ..لأنك مكشوف ومستهدف ..طبعا الطريقه مجربه من قبلي وفيها خير ولله الحمد وممكن كل واحد يجرب نفسه ب 1000 ريال بشرط ماتطلع عن الكلام اللي بالاحمر وتنفذه
الموضوع كتب على عجاله وهو مجرد فكرة مشروع
وانا غير مسؤل عن اي شخص يفهم الموضوع خطا ويجيب العيد ويتضرر
وبالتوفيق لكم ..