الله يساعدك ياغالي
وانا بحالو اساعدك باللي اقدر عليه لاني انا كنت من طلاب معهد الإداره
المعهد ممتاز جداً والدارسه تتكون من سنة تحظيريه انجليزي واذا عديتها تنتقل الى سنة التخصص
مدة التخصص تترواح من سنه الى سنه ونصف على حسب التخصص اللي اخترته وبعدها تنتقل لفترة التطبيق وتتراوح من ثلاث شهور الى ستة شهور على حسب تخصصك
الدراسة في المعهد شدبده وتبغى شخص ملتزم وفاهم ولا يعرف شي اسمه تأخير
في السنة التحظيريه الدارسه تكون من اربع مستويات انجليزيه وكل مستوى مدته شهرين
ومسموح لك في الثلاث المستويات الأولى انك ترسبت مره واحد فقط
مثلاً رسبت في المستوى الاول ورجعت درسته من جديد ونجحت ووصلت الى المستوى الثاني ورسبت بيطردونك على طول...ولا يحق لك ترجع الا بعد سنة من تاريخ طردك...
مثال ثاني نجحت من المستوى الاول وانتقلت الى المستوى الثاني ورسبت وعدته ونجحت مره ثاني وانتقلت الى المستوى الثالث ورسبت يطردك المعهد ولا في تفاهم...
اما المستوى الرابع والاخير لك فرصه اضافيه للإعاده فقط في المستوى الرابع في حال انك رسبت فيه...
نصيحه مني ادرس على حسابك على الاقل ثلاث شهور انجليزي بعدين ادخل في المعهد
ونصيحه ثانيه اذا حاس انك مو جاد في الدارسه ابعد عن معهد الإداره بدل ماتضيع وقت عليك
لان بصراحه المعهد متشدد جداً في الحظور وفي الغياب وفي الاختبارات وفي التأخير
وبالنسبه للمستقبلك بعد التخرج
انا اقولك من اول ماتجلس على الكرسي وظيفتك تحت الكرسي يعد ماتتخرج بتشيلها معك ههههه
والله يوفقك