اقتباس:
المشاركة الأصلية كتبت بواسطة سر تكويني
مساؤك خير أختي الكريمة سعوديه وأفتخر ..
إن شاء الله طيبه
موقضيه أني مسالم لا لا لا ..
اللي اشتغلت انه المده ومانحسبت لي كان وقتها النظام مايلزم كل المؤسسات او الشركات بالتأمين الالزامي خاصه إذا كان عدد العماله قليل فما كانوا يجبرونهم أتكلم عن درايه أنا أختي .. طيب
وبعدين انا قدرت واحتسب لي بقدرة قادر .. لانه كنت مسجل بشركه قبل أشتغل حق السعوده بس والحمد لله أستفدت لانهم ظلموني حسب النظام الظالم .. ويقولون ( داوها بالتي .. كانت هي الداء ) 
وقضية الاخ العزيز برطم ناقه ..
الجمعيات الخيريه واللجان الاجتماعيه هذي تكون على عقود ومايكون لهم تأمينات اجتماعيه يعني برا النظام مايكون عليهم تأمينات
إن أصبت فمن الله وإن أخطأت فمن نفسي والشيطان
وأعيد وأكرر أنت منت خسران شيء لو حاولت تقدم خطابك الى التأمينات وتشرح وضعك وحالتك وترفق صوره منه إلى الجهة اللي رفعت لها الاوراق للترسيم والتثبيت
وإن شاء الله يحطوك بأعلى مرتبه تستحقها
موفقين لكل خير وصلاح وفلاح ونجاح
 |
صح كلامك اخوي لكن فرأيي انه يحاول ويحاول مثل ماقلنا
جرب اخوي التأمينات وحاول فيهم
بصراحة ياخوي ومن الاخر
انا لي قريب حاول لين قدر يسنع اموره وانحسبت له الخبرة كانت 9 سنوات ومو مسجلة فالتأمينات
بس والله كيف ماأعرف وحاليا هو خارج المملكة فالاردن يكمل ماستر
اتذكر أخذت منه وقت وماخلى مكان ماراح له لين حسبوها له وتعين ع المرتبة التاسعة بعد ماأخذ بكالوريوس انتساب فجامعة الملك عبدالعزيز
اجتهد ولكل مجتهد نصيب يأخوي
والله الشخص اللي قريبنا مايعرف أحد بس راجع الدوائر الحكومية هنا وحاول يدخل ع أمير وماني تذكرة اذا دخل او لا
ونُظر فأمره وربي رزقه وفتح عليه ابواب الرزق.
ان شاء الله تلاقي لك طريقة...