حبني لاتضل تعتذر
حبني واجبرني على
حبك ؟الروح ماتعشك
لون ماتنجبر

السيف ماينهاب
لو ماكو الطبر
حبني لاتضل تعتذر

واعترف راح
اعترفلك
واحنه شو نفس
الامر

اثنينه انبعنه بسعر
جوه السعر
اثنينه انبكنه حدر
شمس الظهر
اثنينه السجين تانتنه
نذر

اثنينه اتوهمنه بالحب
ننتصر

اثنينه انعاني الغدر
واعترف راح
اعترفلك
كلبي جان اشكد جسر

وانه جتفت الجسر
وانه وزيت الحمامه
على النسر

واسمع السر الخطر
صنم ؟سويته بديه
وادري ماينفع يظر!

وحاطه كبالي وعجيبه
الشوك
من عنده انتظر

وانته مثلي بهل امر
صنم سويته بيدك
شتنتظر

خل نهدم اصنامنه
وكافي الكفر

وبالكي نهده ونستقر
وبلكت وياك وانه
وياي استمر

وبلكت المامر كبل
هسه يمر

وبلكت اجناح العشك
البعيد ياخذنه ويفر

ونترك الممنوع
والميصير

خل نغط بلماي من
صرنه جمر

وبلكت نصحه من السكر
خذني يمك كبل
لايخلص صبرنه
ويطفه دم وجوهنه
ونطلع صفر

خذني يمك كبل
لاينحك ذهبها
اطباعنه وتطلع صفر

خذني يمك كبل لايم الصفر ينحط صفر


وبس ...