انت قلت لو معي 5ملايين وش تسويبها
انا اقولك وش اسويبها ياطويل العمر
راح اتكلم عن جده وطبعا اكيد المناطق الثانيه نفس الشي مثل الرياض او الشرقيه بس انا اتكلم عن جده
اول شي اروح لمخطط راقي مثل الحرمين او المروه او اي حي راقي بس اهم شي يكون بشمال جده وادور على ارض بمساحه لاتقل عن 900 متر واشتريها بمبلغ مابين مليون الى مليون ونص
اوكيه
الحين بعد ماخلصنا من الارض نجي ندور على مقاول ممتاز وشاطر واسعاره معقوله واتفق معه واقوله ابغاك تبني سبع ادوار بما فيها الفله اللي فوق طبعا المقاول مصنعي يعني المونه علي من اسمنت ورمل وحديد بمعنى انا اوفر له المواد وهو بس يشتغل طبعا بعقد عن كل خطوه يمشيها ومحدده بوقت محدد وركز على على وقت محدد لان هذه المشكله يغفل عنها الكثير لازم تكتب بالعقد شرط جزائي عن اي تأخير يحدث الحين بعد ماتفقنا مع المقاول اخليه يبدى يشتغل
بعد مايخلص من بناء العظم وقبل مايبدا في عملية التشطيب اخليه يعطيني قائمه بمتطلبات التشطيب كامله من سباكة وكهرباء وسرميك ورخام ولمبات وبيبان وشبابيك
تاخذ الطلبات معك وتاخذ العائله الكريمه معك وعلى اقرب رحله الى الصين عاد هنا تخذها سياحه وتجاره وتروح للمصانع اللي تحتاجها وتاخذ اللي تحتاجه طبعا تتفق مع شركات معروفه ولاتطلع من الصين الا والشحنه على السفينه
طبعا نعرف ان اسعار مواد البناء هنا اضعاف اللي بالصين عشان كذا راح نوفر مبلغ كبير جدا من مواد التشطيب
بعد ماوصلت المواد عندي تبدا عملية التشطيب ويكون وفرت كثير جدا في عملية التشطيب
وركز معي عملية التشطيب هي العملية المكلفة في البناء
وبعد اكمال البناء نجي الى حساب التكاليف
التكاليف مليون ونصف قيمة الارض
وتقريبا من مليونيين الى ثلاثة ملايين في عملية البناء
طبعا عملية البناء من وجهة نظري لاتسغرق اقل من سنه لوجود السيوله في يدي
نجي الحين الى جني الارباح
الارباح
اولا العماره مكونه من سبعة ادوار كل دور فيه شقتين الا الدور الاخير وتعتبر فله كامله بدورين
المشروع طبعا شقق تمليك
الاربح نقول اقل قيمة بالسوق حتى نتاكد من عدم خسارتنا او بالاصح مضاعفة ارباحنا
الشقه ب500 الف وهذا اقل الاحتمالات
12*500الف =6000000ريال
الفله =1000000 ريال
يعني مشروعنا كلف 4مليون يزيد او ينقص
وربحنا 7مليون يزيد او ينقص
يعني ربحنا تقريبا 3 ملايين في خلال سنه او اقل
هذا وبالله التوفيق