المشاركة الأصلية كتبت بواسطة اللورد الذهبي

السلام عليكم ورحمة الله وبركاته
حبيت أفيدكم أنه انا الحمدلله رحت أمس للموقع في الغزه مكتب الأمن وأعطونا استمارة وعبيت الإستمارة مصطحبا معي
1: صورة من وثيقة الجامعة
2: صورة من السيرة والسلوك
3: صورة من بطاقة الأحوال
4:صورتين شمسية
** إذا كان عندك خبرات دورات جيبها
**** بس جيبوها كلها صور مو شرط طبق الأصل
المهم تعطيهم الإستمارة والأوراق ويقولك انتظر بعدين ينادي باسمك وتدخل للمقابلة ويعطيك معلومات عن العمل والراتب
يقول طبعا عندنا 5 مشاريع الغزة الشامية مشروع القطار ومشروع الحجون
ودوامك راح يكون 8 ساعات شفتات دوام الصبح اجازة يوم واحد واخر الليل يومين او ثلاثة
والراتب الاساسي 4000 مع البدلات يوصل 6 الاف ويمكن 6 وشوية
المهم مالكم في الطويلات يقول بالتوفيق وانتظر رسالة تجيك على جوالك خلال 45 يوم أو أقل
طبعا اخواني سئلته هل هي مضمونة قال ان شاء الله وهز لي براسه
وبالتوفيق
وبالنسبة لإخواني اللي بالثانوية نفس الشئ لكن راتبهم الأساسي 2000 ومع البدلات يوصل 3500
واكيد اهل الدبلومات راتبهم راح يكون اعلى من الثانوية يعني بين الثانوي والجامعي
وعلى فكرة يقبلوا اي تخصص لو زراعة
وأنصح اخواني اللي قريب من مكة او في مكة يجي يقدم ملفه احسن من النت والله والتقديم راح يكون بعد العصر مباشرة وكل ماجيت بدري تخلص بدري وطبعا سئلت المشرف قلت متى تقفلوا التقديم قال الخميس لانه جاهم عدد كبير هذا اللي حصل والله يوفق الجميع
أي ســــــــــــــــــــــــــــــــــــــؤال انا في الخدمـــــــــــــــــــــــــــــــــــــــــــــ ـــــــــــــــــــــــــــــــة