المشاركة الأصلية كتبت بواسطة جداً حزين

أخواني المشكله ليست في الاجانب او في الهوامير ومادري ايش

انا بقول وجهة نظري واتمنى تتقبلونها وماتقولون هذا جاي يتفلسف ولاهو شايف وش صاير

المشكلة فينا الشباب والبنات السعودين ننتظر دائماً الدوله توظفنا او تعطينا فلوس واذا ماجاء شيء نحط حرتنا في الانظمة ونقول الشغله كلها واسطه ، مدام الشاب او الفتاه عندنا يشوف ان فيه اعمال ( عيب ) صدقني سنستمر مكانك راوح .. انا اتحدى فيه اي واحد يقبل يشتغل ببوفيه يصلح سندوتشات او بمطعم او يشتغل ببنشر او ورشة . وانا أولكم نبحث عن الوظائف ذات الدخل الكبير والمكاتب والمكيفات .. عجبتني جملة مره قريتها بكتاب اسمة كيف تصبح من الاثرياء او شيء كذا ماني متذكر الكتاب بس حملتة وانا اصلاً عارف اني مارح استفيد بس لقافه

يقول الكاتب " الفاشلون هم من يركزون على المعوقات وينشغلون بها .. والناجح هو من يبحث عن الفرص ويستغلها "
وهذا الي صاير هنا كل شيء نشوفه معقد كل شيء نشوفه عائق لايمكن كسره

انا صراحه مابي اتهم ان شبابنا كسول وان العله فيه .. صح عندنا معوقات كثيره بس بيدينا نتغلب عليها اهم شيء يكون لدينا طموح .. الفقر موجود صح ولكن الفرص ايضاً موجوده وكل شخص واجتهاده والمجتهد دائماً له نصيب
واسألو مجرب
اعتذر على الاطاله