اقتباس:
المشاركة الأصلية كتبت بواسطة رنا الشطورة
السلام عليكم ورحمة الله وبركاته
لان ما عاد فيه رجال يسند عليه الظهر إلا من رحم ربي .. والمصيبة لي صار بخييييييييل ونذل بنفس الوقت
ولمعلوماتكم انتم يا شعب العادات والتقاليد , بالدين الاسلامي يحق للمرأة العمل وفوق هذا يصرف عليها زوجها , يجب عليه ذلك .
وبعدين أي طيب وأي عطور يرحم أمك .. ترى غثيتونا .. افعلي لزوجك ,, وكوني لزوجك..قدمي لزوجك ..لا تفعلي الحركة الفلانية أمام زوجك ..إذا غلطوا عليك احد من اهله امه خواته كلي تبن ولا تشتكين لزوجك .. كوني وعاء يصب فيك كل هموم الدنيا يختي افهمي انتي خشب .. (يالله هالقضية خلصوا منها في أوروبا من قرون واحنا يا شعب الاسلام لازالت تناقش رغم ان الحل في القران والسنـــــــــــة) .
تبغونا مثل الدمية (العروسة) المبتسمة , بلا مشاعر .. ويا ويلها اللي تزعل زوجها بس يزعلها عادي !! يا سلام ., لمعلوماتــــــــك كثير في تلك البيوت من تعيش وتنام مع زوجها (كارهة له) لانها مغلوب علي أمرها , وقد تجد هذا في المحيطين حولك من ام واختك لكن لا يظهر ولا يتبين لان المسكينة عرفت ان هالمجتمع ميؤس منه.
والحرمة تبونها مثل الاخطبوط (خادمة لكل من : زوجها , عيالها (هذا وبلعناها ) , واهله , وامه , وجماعته ) سلامات .
ما شفنا المجتمع حريص انه ينبه الرجال ان يكون كذا وكذا لزوجته .. يار بي متى يتغير الزمن وتطلع اشكال واعية تعي الدين الاسلامي على وجهه الصحيح بمعنى الكلمة .
وشف ترى انت قلت للي فوق لا تاخذين الموضوع بسخرية .. لو سمحت انت نزلت الموضوع وخلك قد الردود .
انتم فطرتكم الخشونة رغم انكم تتصنعون وفاهمين الرجولة غلط ( ومع ذلك تقبلناكم)
والمرأة فطرتها الرقة وحب التزين (ما تقبلتوا) , فإذا كانت تبي الوظيفة الحلال علشان مستلزماتها التجميلة اللي ما وفرها لها هالمقعط فأحب أصدمـــــــك , بأنه عادي ويحق لها .
خرابين ! يا ما قلتوا الحريم لي جلسوا مع بعض يخربون بعض , لا يا أخ , انتوا كل واحد يتفشخر قدام الثاني انه فعل وذل بزوجته وطنشها , يقالك رجال !
بس لي طلع رجال بالصدفة , يعتذر من زوجته أو يعاملها برقة وكانها (قارورة) كما ذكر عليه السلام , وقتها تخلونه رخمة ما يسوى شيء !
ولمعلوماتك زوجة جيرانا تشتغل وترجع متأخر , تدري وش فيه زوجها , مشلول على كرسي مقعد .. وترى ما نيب مجبرة ادور على قصص تثير الشفقة علشان تقتنع , طالما المرأة يحق لها العمل في الشرع الاسلامــــــــــي فلبق على جنب يا راعي الجيب.
|
يسلم لسانك رنوووو
الشعب متخلف مثل ماقلتي سوي لزوجك حطي وروحي وتعالي
طيب حضرته هو ليه مايعطونه نصايح والا لايكون ملاااك واحنا ماندري
بس يجي الظهر ينافخ وين الغداء تقول بيموت من الجوع والنعمه ماليه البيت
كل خلق الله الحريم والرجال يشتغلون ويساعدون بعض الا حنا لو قالت له هات الكاس اللي قدامك قال لاااا انا رجال وخير ياطير يارجال ماتخدم نفسك
انا شفت مصريات هم وازواجهم موظفين وربي يسوي الاكل زوجها احيانا لما تتاخر
ليه ماعندنا ثقافة المساعده والتعاون لاننا حاطين الرجال بمنزلة الــه ,, استغفر الله
كل شي يوصل لعنده ويتامر ويتشرط على غير سنع وكل كلمه والثانيه انا الرجال تقول شاك بنفسه 
واللي يقول ماابي موظفه عشانها مهمله عيالها وماتتعطر ترى حتى الي جالسين في البيوت مايدرون عن عيالهم شي
اخرتها اليوم وحده تحكي له عن صديقتها عندها ولدين لسه مادخلوا مدارس وجايبه شغاله << هذا وهي جالسه في البيت وماعندها غير هالولدين
يعني مو كل موظفه مقصره في حق زوجها وعيالها لاتعمم الحكم
وربي كرهتونا في الزواج اخاف يطلع لي واحد متخلف وابتلش فيه