السلام عليكم


طبعا حبيت اقولكم قصتي مع المقابله


كانت مقابلتي اليوم الساعه 1 الظهر


بس انا رحت الساعه 12:20 وكان ترتيبي الـ 8


ماجات الساعه 1 الا عدد اللي يبون يقابلون 40 شخص



يعني اللي يبي يروح ، نصيحتي يروح قبل مقابلته بمده زمنيه



وقت المقابله تقريبا من 5 - 7 دقايق


بس انا نشبت لهم اخذوا معي ربع ساعه


اول مادخلت السلام عليكم وسلمت لهم اوراقي شهاداتي والسي في طبعا كلها النسخ مو الاصليه



سالوني عن اسامي الكتاب اللي ذكرتهم اول ما سجلت في الموقع . وجاوبتهم


طبعا اللي قابلوني اربع سعوديين وبنت ومن ضمنهم رئيس تحرير المجله الغامدي


اسالتهم كلها كانت تدور عن شخصيتي و عن وش اتعرف عن الصحافه والمعلومات اللي مسجلها في الموقع وليه تبي تدخل هذا المجال


طبعا عطيتهم من الكلام الواجد : اني احب الصحافه منذ الصغر واني كل يوم اقرى جرايد .. ومن ذا الكلام



واخوي الصغير عطاني معلومه ان الصحافه هي السلطه الرابعه



فـ انا بكل افتخار قلت له يكفي ان الصحافه هي السلطه الرابعه


قالي وش تعني السلطه الرابعه وانا اتوهق بس تذكرت اني قاري عنها والحمدلله جاوبت صح

قلت في الدوله اربع سلطات

التنفيذيه
التشريعيه
القضائيه
الصحافه

ومعنى السلطه ان هناك تسلط من شخص على شخص


قالي يعني الصحافه متسلطه على الدوله ؟


قلت لو متسلطه ما خلوها السلطه الرابعه ولكن لها دورها في النقد و كشف الحقائق




واكثر شيء كان يسالني الغامدي ولكن اللي معه كل شوي يسالوني سؤال مفاجئ ويناظرون لردة فعلي وحركاتي



طبعا اهم شيء يكون صوتك واضح وواثق من نفسك وهم يحاولون يحطمونك يشوفون تاثيرهم على شخصيتك



فقالي رئيس التحرير ان عمل الصحافه مشق جدا وانت تقول انه مريح وانا من زمان في هالمجال واخبر فيه



قلت استاذي : انت صحفي وتحترم رايك وراي الاخر . وهذا اعتبره رايك الشخصي اما عن رايي انا اشوفه المهنه هذه مريحه لي لاني احبها ، وحب ما تفعل لكي تفعل ما تحب << طبعا لطشت اخر جمله من فلم احمد حلمي مطب صناعي ض1


وقلت له اني موظف وسالني عن اسم الشركه


وسالني عن راتبي قلت له 3500



وقالي ان فيه دوره تدريبيه مدتها من اسبوعين الى ثلاث اسابيع مقرها في الدمام على حسب كلامه اذا اجتزتها تتوظف معانا واذا ما اجتزتها ما راح تتعين


وقالي افضل لك خذ اجازه من دوامك وقت الدوره عشان حتى لو ماتعينت مايروح عليك دوامك



وسالته عن الراتب بس مو بصيغة وش الراتب . قلت له حبيت استفسر اذا كان هنالك مجال للاستفسار < ما يمديكم



قال تفضل ، قلت المردود المالي لا اخفي عليك اني ابي اترك وظيفتي القديمه بسبب الدخل المادي حبيت اعرف كم راح يكون دخلي في الشهر


قالي راح يكون افضل من راتبك اللي انت فيه الحين


"طبعاً اذا انت موظف امدح وظيفتك القديمه بكم شيء وقولهم ان هم عندهم خبر اني جالس ادور وظيفه ثانيه عشان ياخذون فكره ايجابيه عنك انك مو من النوع اللي تسحب على الدوام"


واخر شيء قالي خلاص تفضل



بس من جد حسيت نفسي داخل لجنة شاعر المليون ض1


خوذوا الامور ببسااااطه جداً وادعوا قبل لاتدخلون على اللجنه دعاء : اللهم لاسهل الا ماجعلته سهلاً انك تجعل الحزن ان شئت سهلاً



والله يوفقكم