مساء الجوري والكادي

لبيه..

ماشاء الله الف الف مبروك كيفي اسرق

وعقبال الدرجات العليا والوظيفة اهم شي

ياحليل اخر عنقودكم تفهم ماشاء الله .. اخر عنقودنا ~>

وابشري من عنوني

لكن قبل نبدا هذي هدية بسيطه مني مشاركة معك بالحفله اتمنى تعجبها




فقرات الهفله

بسم الله نبدا

اول شي انا مادري هل هي عائلية او عامه ماعرف ميزانيك كم

المهم بعطيك بحدود المعقول واشوفه مناسب لي قطة وجه من اولها

بقولها على بعضها انتي عاد سوي فرز وتمحيص

اول لا تجيبين طاري انك بتسوين لها حفله
اساليها بدون ماتعرف لو حابه تسوون حفله مع صديقاتك بالمدرسة
وش اللي ابالك وحابه تسوينه معهم بتجيب العيد فيك مثل اختي قبل الان هي متوسط

هذا كله بدون ماتعرف انك راح تسوين شي والباقي تعرفينه نفذي الي تبيه وتشوفينه معقول

سوي لها كورنر خاص فيها طاوله وسوي بالركن شغلات حلوه جيبي طاولة ورتبيها على ذوقك
ونفس الشي للركن اساليها قبل اذا عندها شغلات تحب تعرضها ...الخ

جاتوه كبيييير مطبوع عليه صورتها ويويل احد ياكل وجهها ذكرت نفسي قسم

فقرة للرقص صوتيات اناشيد او غيرها بدون ميوزك طبعاً

سوي عرض بروجكتر بيكون موفر بالقاعه
اعرضي صورها وهي صغيره بخلفية صوتيه او مقطع لها اي عمل طفولي برئي حتى لو عمرها سنه
بتفرح فيه

اعزمي شلتها صديقاتها المقربات وامهاتهم اذا الحفله مو عائلية بتفرح معهم وماراح تنساه وتصير
مثل بعض النا س كل يوم تحن وتون لتلك الذكريات

جيبيها جنبك وقفو على المسرح تكلمي عنها وعن مواقفها وحركاتها وشقاوتها بالذات
ترى البنات بهالعمر يحبون هالشغلات خبرة مع اختي تهايط على الفاضي والمليان

شجعيها بعبارات حلوه تقولينها انتي وهي بجنبك راح تتشقق من الفرحه

فصلي لها عباية تخرج حلوه وناعمه اهم شي تكون مميزة بلبسها عنكم لانها هي النجمة
وقبعة تخرج مبطنه بورق ابيض يكتبون صديقاتها او انتم فيها اللي يبونه ذكريات يعني ..

جيبي لها هدية حلوه حتى لو بسيطه اهم شي تكون تحب هالشغله وتعرفين انها تحب هالشغله انا
جبت لاختي مشغل صوتيات تعشقه طلع غبار صح عادي عادي

ومجال الهدية يبي له ابواب وفصول لكن نسهل المهمه ونقول انتي اعرف بااختك ..

هاه عسى استفدتي من الهذره اللي فوق

يالله الله يوفقكم يارب ويخليكم لبعض وتصير احل هفله وتيسر امورك ولاتنسيني اعزميني
طسي بس

اي وتشوفيها موظفة اد الدنيا ~~> كلاً على همه سرى

لتس ولاختس

بروح اموت