تسلم على الموضوع.. واقدر غريتك.. صحيح احنا نحتاج الهئية.. وهي ضرورة حتميه..
بس للاسف ونكون صريحين بعد رجالات الهيئة يشووهون صورة الهئية.. ويكرهونك بالدين..
انا بقولك امثله وحصلت معي..
مرة كنت في احدى المجمعات خارج الشرقية.. ووانا والله ما اهتم لا لهئية ولا غيره.. انا اخاف من ربي .. مستورة من راسي لين رجولي.. وقفت عند واجهة محل.. وابي اشوف البضاعة المعروضة .. رفعت الغطوة عن عيوني بشوفها.. شوي والقى زمرة من رجال الهئية.. انتي ام الشنطة غطي عيونس..
وضلوا وراي حشى انا بس رفعت لجل اشوف البضاغة..
جارتنا حبسها رجال هئية ببقالة .. كان ينطرها تخرج.. والله العالم شنو هدفة.. وتدخلت قريبتي بالسالفة طلعت للشارع واخذت رقم سيارته.. وهو نزل على طول يدق باب بيتهم.. طلع له ابوها الشايب .. وهو يقوله والله انا مطوع وجاي اراقب.. بربك لو كان جاي يراقب كان خاف انه حرمه اخذت رقم السيارة.. هي تقولي انا اخذته لجل اخوفه ويخلي جارتنا.. الحرمة طلعت تركض من البقالة ماسكة بنتها رواحت لبيتها..
انا لما كنت بالكلية.. كان الكلية قسمين.. وكل كلية بعيده عن الثانية.. وكان الباص ياخذنا من كلية يودينا لللكلية الثانية وقت الانصراف.. ومن الكلية الثانية نطلع على بيوتنا..مرة جلست الهئية تسوي تحقق اتهمتنا بشرفنا., واحنا معروفات قدام عيونهم نطلع من الكلية ونركب باص يودينا لموقف الباصات بالكلية الثانية.. ورحنا للشرطة ورجال الامن.. عشان يفكونا من الهئية.. ورجال الامن يقول انا اعرفكم من وين جايات.. بس ايش نسوي بالهئية.. اتصلوا على مكاتب الشركة وتفاهون يغير الطريقة.. لانه الهئية متهمتكم.. تخيل وهم يعرفون تماما اننا بنات الكلية..
ا احنا بالكلية المحاضرات.. تبدأ 8 الصبح وفيه محاضرات تبدأ 10 الصبح.. واللي محاضرتها 8 تحي الكلية 7 ونص واللي عشر تجي 9 ونص.. معروفه.. مره اخذوا بنت مرمطوها بالكلية لانها جات الساعة 9 ونص.. يسوون معها تحقيق.. وهي تبكي بالشارع تقولهم انا جايه من بيت اهلي..ووحده من صديقاتي نزلت من الباص.. شوي يركض رجال الهئية يلحقها..تقول انا خفت لو مسكوني اكيد بشوووهن سمعتي وانا وراي اختبار.. وجاية على موعد الاختبار.. تقول دخلت ركض.. تقول الامن النسائي سالتها شنو فيك.. قالت الهئية تحلقني..عرفت الامن انهم الهئية كالعادة..
مع انه الفاسده فاسده مو محتاجه مكان ..
دكتورة فاضلة لنا.. والله تطلع قطعه سوداء قفازات وجوارب.. وخمار.. وعباية .. مثل المصريات على الكتف بس مع خمار.. هزأها راعي الهئية.. قدام الطالبات.. وهي تقوله انا دكتورة .. وهو يسب يسب فيها شوي ويضربها.. لانها لابسه عباية كتف وهي والله محتشمه..
قبل فترة ومع ظهور القذر استار اكديمي.. بنت صغيرة ركبت مع شباب هي وصديقتها.. او ما ركبت.. صادوها الهئية ... والحمدلله .. البنت تقولي السجانه حقتها.. تقول انا والله ما شفت اشكال الشباب ..وهي ما تعرف شئ طفلة ..بس الهئية بلغوا اهلها بطريقة خلت ابو البنت يتبرأ منها.. والبنت الحين بين السجون.. عمرها 12 سنة.. مفروض مثل كذا يحذرون البنت وياخذون عليها تعهد ويراقبوها..بس يسترون عليها ما يعلمون ابوها.. خصوصا هي طفلة.. والحين تخيل ضاع عمر البنت .. من غلطة ما كانت تعرف مداها.. والسجانة قالت فيه بنات عمرهم10 سنوات.. مسجونات..بتهم هم مسكنات مو فاهمين فيها شئ..البنت تغلط مثل الشاب.. وهي انسانه ..
وين الدين من هذي الاخلاق..
هئية الامر بالمعروف لازم تكون موجوة.. وتبقى
للكن تعاد يتنظيم الاوراق فيها..
يشوفون مين الفئة اللي يوظفون..
ويراقبون الموظيفين فيها..
يوعون بطرق محببه للشباب.. والبنات..
انا اتوجهة بالشكر الجزيل لزميلتي .. المدرسة هند..
خطوه جرئية منها طلبت سجانه تجي للمدرسة وتحكي للطالبات عن السجن واسباب سجن الطالبات..
واتمنى كذا تسوي كل مدرسة .. وكل مدرس..