اقتباس: المشاركة الأصلية كتبت بواسطة لحظةغروب بنات انا توني جيت من مدارس الرايه( اللي في السليمانيه) طبعا هم اتصلوا علي وقالوا حضري درس وتعالي اشرحي ولما جيت ماخلوني اشرح بس قابلتني وحده وجلست تسالني اسئلة عن تخصصي والتطبيق ايام الكليه وكذا وقالت لي لو دخلناك ع فصل وقلنا اشرحي وش ممكن تختارين لهم موضوع قلت لها اختار لهم دوله واتكلم عنها قالت يلا عطيني دوله وتكلمي عنها انا قمت اضحك واخترت السعوديه ونشفت ريقي بالاسئلة واخر شي قالت خلاص ان شاء الله بنتصل عليك قبل رمضان تجين توقعين العقد والراتب 2100 ريال فقط قلت لها واوامر ابومتعب هاه بتسحبون عليه قالت المدرسه مو مسجله بالموارد واصحاب المدرسه يدرسون هذا الموضوع ع السنه الجايه ان شاء الله ودهم يسجلون وبتكون الرواتب نفس ماقال الملك الله يطول بعمره .. وهذي تجربتي حبيت انقلها لكم مايستفاد منها انك تتوقعين اي شي يسالونك عنه حتى لو قالوا لك شرح لاتحضرين درس وبس حاولي تلمين بكل المعلومات في تخصصك وكوني مستعده وواثقه بنفسك حبوووبة انا اليووم دقوا علي وبكراا المقابلة بيني وبينك مااااني متحمسة اجل الراتب 2100 كيف نفسياتهم واسئلتهم سهلة يقدر الواحد يجااوب علها بسهولة تراا تخصصي مثل تخصصك وياليت وصف المدرسة لاهنتي
