بسم الله الرحمن الرحيم السلام عليكم ورحمة الله وبركاته الموضوع للبنات .. الشباب انتظروا برا ... راح اجي لكم و جايب لكم مشروع مجاني <<< صاير مثل الشيخ اللي يـقـــرأ ... ساعه عند الحريم وساعه عند الرجال بس بسأل سؤال : اللحين لما تدخلون النت يا بنات .. ايش يجي فبالكم ؟؟ او وين تروحون بالضبط ؟؟ خلونا نستفيد من وقتنا الضايع شوي احنا هنا نشوف كثير يسئلون عن دراسات الجدوى لصندوق المئوية .. وعبداللطيف جميل ومدري ايش كمان ... كثير ما يعرفون ... كثير متلخبطين ... فكرتوا انتم يا بنات انكم تسوون دراسة الجدوى لاي بنت ؟؟ اخوانا العرب ومابغى احدد فئة معينة طلعوا فلوس وذهب من هالشغله .... صايرين مثل المدرس الخاص اللي من بيت لبيت ومن طالب لطالب فيكم وحده دخلت اي موضوع من المواضيع الموجودة بالمنتدى واللي ترشح كيفية عمل دراسة الجدوى وحاولت تفهم وتطبق ؟؟ طيب لما نعرف الطريقة هل فيكم وحده فكرت انها تقدم هالخدمه لمن يحتاجها مقابل مبلغ مالي ؟ خلونا نقول كل دراسة عليها 500 ريال تزيد شوي او تنقص ... لو سويناها بالشهر 3 مرات تطلع معانا 1500 ريال ... 1500 ريال وانتي في بيتك وعن طريق النت ... عن طريق النت قدرت اجيب شغل .. وعن طريق النت كمان قدرت اجيب الاسعار .. وعن طريق النت اسلم البنت الدراسة وين ما كان مكانها ... الايميل موجود ويوصل لاخر نقطة بالعالم ... انا مستعد استقبل كل اسئلتكم والاخوان هنا ما يقصرون ومستعد كمان اساعدكم واجيب لكم الاسعار .. بس انتوا تحركوا كل منتدى تسجلوا فيه بيعطيكم خاصية التوقيع ... بدل الاشعار اللي يحطها البعض والا صور النساء اللي دايخه واللي ذايبه ومسويه انها تحب بلاش منها احذوفها وحطوا توقيع انكم تسوون دراسات جدوى مصغرة للمئوية وعبداللطيف جميل منها شلتوا حاجة محرمه وهي صور النساء .. وبدلا منها حطيتوا شي مفيد لا نحط المشاكل دايما على الاجنبي والا على البلد .. الاجنبي لما حصل فرصه دخل منها واستفاد .. واحنا نايمين في العسل بس اكل وتبطح في غرفنا ونقول يوووه الوزن زايــــــد