صباح الاختبار والمسابقات الوظيفية
الله يوفقني ويوفقكم صبايا ويوفق الشباب اللي على وشك يبداون مرحلة جديدة بعالم السياسة الخارجية
يعطيكم العافية على المتعب
بخيتة ماتدرين ربك وش كاتب يمكن باخر لحظة تتيسر الامور الاهم استخيري
وان شاء الله لو لك فيها خيرة الله،، راح نلاقيك يوم السبت اذا الله اراد
بصراحة احس اغلبنا مرة مرتبكين خاصة كل شوي ناس تقول شيء جديد صايرة لخبطة
انا شخصياُ غلبت اهلي بالطباعة وحبر وحالة الخ بالاخير ماقريت الا صفحتين وقلتلهم
مكتئبة طلعوني عشاء برا خخخخخ
تعشينا ورجعنا متاخر واقولهم فيني دوارة رحت بيتين بعد من الطمع..
الله يستر ان شاء الله بكرة احاول اقرا لي شوية على السريع الله يعين
الله ييسر اموركم بنات اللي بيطلعون الرياض اليوم او بكرة وتوصلون وترجعون بالسلامة
انا بنزل الرياض السبت ان شاء الله الله لا يعوقنا بشر بالسيارة اكيد
الى ذلك الوقت نتلاقى يا رب بكل خير 