يابــــــوي جعلك للبقــــــا والمكاسيــــــب
عمـــري بدونك يالــذ ّرا ويـــش أبي بــه
يابــــوي تســـأل عن شفـــــاك المراقيب
طلعــــة ســــــواتك للنــــّوايف غريبـــــه
ليــــه المـــــرض مايعرف الزّيـــن والعيب ؟
مــــايدري انك للمخـــــــــاليق هيبـــــه !!
أبســــألك وش بــــه غـــزا وجهك الشيب
والقـــلب لايــــع والنـــــواظر شحيبـــــه
وش بــــك تحــــاتي لانــــوى الموت تغريب
تخشــــى عليــــنا بالليـــّالي الكئيبـــــه
خـــذ دلــّتك واركـــــى على مسند الجيب
وعطنــي شمــــاغك بالثمـــــه وأحتمــي به
ونـــروح لأرض ٍ بهــــا العشــب والطيب
وتسمــــع كلام ٍ يالغــــلا تحتفـــــي به
يابــوي بنتك لنحكـــــى بالتــّجاريب
كـــل ٍ يشق لهيب الصـــّيت جيبـــه
يابـــوي مـــاني من ســـوات المخاريب
اللـــّي تجيب لعليـــــة القــوم خيـــــبه
مـــرفوع شـــاني عن غــرام المكاتيــب
وأكبـــر من انّي أرتضـــــي بالحبيبـــه
أنــا غرامـــي لبتـــــدوا بالــتّراحيب
نفوس الأوادم في وجـــودي رحيبــــه
وان كـــان زينـــــي فتنـــة ٍ للمــصاويب
أحــــط وجهـــي بالحــــريق ولهيبـــه
زينـــي أبيعـــه وأشتــــري سمعة الطّيب
اســــم ٍ ينـــومس بالصـــّروح الذ ّهيــــبه
وان كـــان عندي ( بالحـــلا) شي ٍ صعيب
عندي جــــدود ٍ مارضــــت بالغليبـــــه
دمــــوع القبايل في لقـــانا مســــاكيب
كــــن المقــــابر لاحضـــرنا قريبــــــه
خضـــّبت لك كفـــّي من العـــز تخضيب
ورفعــــت راسي للنــّجوم الصــّعــيبـه
واللــــه لأســــدّك بالفــعـول المصاليب
واللـــــه لأشيـــلك بالرخـــا والمصيبه
طــــلع المعــالي ماانحكــــم للشــّواريب
بنـــت ٍ وأنـــــاطح فارس القـــوم طيبه
وياشيخـــي ابشــر لوتدور الدّواليـــب
بنتـــك إلا منـــّه عــوى الذيــب ( ذيبه)