يعطيكم العافيه جميع
يا اخوان رسالتي راح تكون طويله عليكم شوي بس إن شاء الله تكون مفيده بشكل كبير
أولاً للي يسألون عن موقع الصالة الخضراء بالدمام وهي بالتحديد
- للي جاي من الدمام ومتجه للخبر يمسك خط الكباري وهو يبداء تقريباً من عند ملعب الامير محمد بن فهد بالدمام متجه الى الشرق تجيك عماير الاسكان والمعروفه سابقاً بعماير الكويتين وتمشي سيييييييييييده تركب كبري وتنزل من كبري في نفق راح تنزل معاه هذا النفق بعد ماتنزل منه بلييييز خليك مخفف السرعه بعد ماتطلع من النفق راح تجيك شركة الكهرباء السعودية على يمينك تعديه وتجيك بعدها مركز الحرس الوطني تعديه تجيك مقر جريدة اليوم على يسارك تعديها برضو الى مايجيك كبري تركب معاه لو تلف راسك على اليمين شوي وانت فوق الكبري راح تشوف الصاله الخضراء على يمينك بعد ماتنزل من الكبري ادخل خط الخدمه ومع اول اشاره تجيك لف يمين وتصير كذا انت وصلت لصالة الخضراء.
ثانياً بخصوص الاختباره
- حسب ماعرفته بيني وبينكم والله الي عرفته ان موظفين الميناء شايلين بعض واتوقع الاولويه راح تكون للموظفين الميناء بهذه الوظائف للعلاقه الحميمه بينهم وبين اللجنه الي راح تشرف على الاختبارات بتقولون كيف الاولويه لهم وهم موظفين ادري بقولكم كيف هي راح تكون مفيده لهم بالسلم الوظيفي يعني الي على المرتبه الخامسه تحصل مقدم على وظيفه بالمرتبه السادسه او السابعه وهكذا لجميع المراتب طبعاً ماراح احط بذمتي بس انا انقل لكم كلام سمعته من موظفين بالميناء ولا يمنع ان نشد حيلنا لظفر بهذه الوظائف والي الله كاتبه راح يصير غصبن عن الي مايرضى ( عصبت )
نرجع لمحور حديثنا الي هو طريقة الاختبار
وهي اليوم انا كلمة كذا واحد من الشباب قالولي ان جاتهم اسأله صح وخطاء وجاتهم أسأله عامه بس الي عرفته منهم ان في كم سؤال مشترك بينهم الي هي
س/ كم عدد المونئ بالمملكة؟
والي عرفته انها 8 مونئ 6 منها تجاريه و 2 للسفر
س/ ماهي معجزات نبي الله موسى اذكر 6 منها ؟؟
الي هي 9 معجزات أظن والله العالم طبعاً من معجزاته ( القمل - اليد البيضاء - عصاء موسى - انشقاق البحر - الجراد - الضفدع )
للي مقدمين على وظيفة السكرتاريه ركزو على مايوضع على طاولة السكرتير انا بصراحه ماعرفة الا ان الكمبيوتر يوضع على اليسار فقط.
*طبعاً معليش ذبحتكم بطبعاً شسوي هذا الي يتابع u fm الأساله العامه ممكن تختلف من اختبار الى اختبار ومن مرتبه الى مرتبه يعني بكره مو جيني احد يدعي علي ويقول ولد الزوري ماسوى فينا خير قد ماتمنى منك الدعاء تكفون ياجماعة دعواتكم لي
وان شاء الله اني قدمت لكم شيء مفيد الى حد ما
تحياتي لكم جميعاً وبالتوفيق بإذن الله