اقتباس:
المشاركة الأصلية كتبت بواسطة اسليمان
تسويقار الله يعطيك العافيه
باين انك فاهم الشغله ماشاءالله تبارك الله . الله يزيدك من فضله
..........
طيب لو بغيت انا استقدم عمال وأجرهم بنفسي مباشرة للقطاع الخاص .. وش المطلوب
أكيد لازم يكون عندي سجل .. بس السجل يكون مؤسسة او شركة وهل لازم ضمان بنكي
واذا ممكن كم اقدر اطلع عامل..؟
|
هلا اخوي سليمان ....
شوف .. انك تطلع انت تأشيرات عمال وتأجرهم بنفسك الاكيد بيكون مكسبك دبل الدبل ..
لانك لو استقدمتهم مباشرة على كفالتك بيكون رواتبهم على 600 ريال ..
وانت تأجرهم للشركة بـ 2000 ريال مثلا بيكون مكسبك 1400 ريال على كل عامل ...
لكن كيف تجيب عدد عمال كبير ؟؟؟
مافي الا طريقة وحده .... كيف ؟؟؟
انك تدخل مناقصات حكومية ولو رسى عليك اي عقد حكومي تقدر تجيب عليه عماله غصب عن مكب العمل مو بكيفه
مثلا لو قدمت على مناقصة لوزارة الشئون الاسلامية .. بعد رسو المناقصة تاخذ من وزارة الشئون خطاب يسمى خطاب تأييد
ومن خلال هالخطاب تقدم على مكتب العمل وتطلب عدد العماله اللي انت محتاجهم لتغطية مرافق الشئون الاسلامية .. وهكذا ...
لذلك في احد ردودي على الاخ حيران ... قلت ان مناقصات وزارة التربية والتعليم هي مناقصات خسرانه ...
طيب لما هي خسرانه ليش الشركات تدخل فيها ؟؟
الشركات تدخل بمناقصات وزارة التربية عشان يستفيدوا من استقدام عماله بناءا على عقدهم مع الوزارة ...
بالنسبة للسجل لابد يكون لديك سجل ومو لازم تكون شركة .. عادي مؤسسة تقدر تدخل بمناقصات الحكومة وتستفيد من ميزة العماله
كم العدد ؟؟؟ حسب حجم كل مناقصة وحسب احتياجك ...
الضمان البنكي طالما انت داخل مناقصة حكومية لابد من الضمان البنكي ...
عشان كذا انا اقول ابدأوا بالشركات الخاصه لانه ما تحتاج لكل هالاشياء ....
بالتوفيق اخوي