اقتباس:
المشاركة الأصلية كتبت بواسطة تسويقار
هلا اخوي سليمان ....
شوف .. انك تطلع انت تأشيرات عمال وتأجرهم بنفسك الاكيد بيكون مكسبك دبل الدبل ..
لانك لو استقدمتهم مباشرة على كفالتك بيكون رواتبهم على 600 ريال ..
وانت تأجرهم للشركة بـ 2000 ريال مثلا بيكون مكسبك 1400 ريال على كل عامل ...
لكن كيف تجيب عدد عمال كبير ؟؟؟
مافي الا طريقة وحده .... كيف ؟؟؟
انك تدخل مناقصات حكومية ولو رسى عليك اي عقد حكومي تقدر تجيب عليه عماله غصب عن مكب العمل مو بكيفه
مثلا لو قدمت على مناقصة لوزارة الشئون الاسلامية .. بعد رسو المناقصة تاخذ من وزارة الشئون خطاب يسمى خطاب تأييد
ومن خلال هالخطاب تقدم على مكتب العمل وتطلب عدد العماله اللي انت محتاجهم لتغطية مرافق الشئون الاسلامية .. وهكذا ...
لذلك في احد ردودي على الاخ حيران ... قلت ان مناقصات وزارة التربية والتعليم هي مناقصات خسرانه ...
طيب لما هي خسرانه ليش الشركات تدخل فيها ؟؟
الشركات تدخل بمناقصات وزارة التربية عشان يستفيدوا من استقدام عماله بناءا على عقدهم مع الوزارة ...
بالنسبة للسجل لابد يكون لديك سجل ومو لازم تكون شركة .. عادي مؤسسة تقدر تدخل بمناقصات الحكومة وتستفيد من ميزة العماله
كم العدد ؟؟؟ حسب حجم كل مناقصة وحسب احتياجك ...
الضمان البنكي طالما انت داخل مناقصة حكومية لابد من الضمان البنكي ...
عشان كذا انا اقول ابدأوا بالشركات الخاصه لانه ما تحتاج لكل هالاشياء ....
بالتوفيق اخوي
|
الله يرحم والديك ماقصرت
طيب انا ما ابي افكر في مكاسب كبيرة وضمان بنكي ومناقصات حكوميه لأن ماعندي خبرة ولا عندي راس مال يغطي الضمان البنكي. انا بحاول ابدأ من الصفر
وش السجل اللي لازم اطلعه عشان ابدا لو بـ 3 عمال
هل هو سجل مقاولات او نشاط اخر
انا ادري انه لازم استاجر محل واطلع رخصة بلديه واشترك في الغرفه إلخ....هذي فاهمها الله يعطيك العافيه بس ابي اعرف وش نشاط السجل عشان ابدا
الله يكثر من امثالك