السلام عليكم ورحمة الله وبركاته
كيف حالكم ان شاء الله بخير...
انا شفت ذآ المنتدى وشفت مواضيعه وخبرة الاعضاء قلت مافي انسب منه
تكفون يالربع ابي اسالكم كم سؤال تحملوني فيه
انا رجال توني متخرج من الثانوي علمي < طبعا في اهلية
ومن يوم كنت في بطن امي الله يحفظها وانا طموحي عسكرية
وشايل هم الجامعة من قبل لا اخلص الثانوية ما ادري وش ادخل من التخصصات اخاف ادخل تخصص ما تقبله العسكرية ومتوهق
والله اني ما انام الليل قاعد افكر وش ادخل وش ما ادخل
عشان كذا ابي اسالكم كم سؤال يا ليت لو تجاوبوني فيه واعتبروني اخوكم الصغير
س1/ هل التخصصات هذي مرغوبة عند التقديم في الكلية الامنية ( قانون - التربية البدنية )
آلقآنون مرغـــوب في كل آلقطآعآت آلعسكريه تقريبآ .. وأللي تفآجآت فيه .. إن آلشريعه مرغووبه وبقووهـ بكل آلكليآت آلعسكريه .. لكن درآستهم تكون سنتين يآلكليه وآلرتبه ملآزم مع أقدمية سنه ..
واذا كانت مرغوبة وقبلت في الكلية الامنية كم تكون مدة الدراسة عندهم عشان اتخرج واذا تخرجت وش تكون الرتبه ؟
قلت لكـ فووق .. رتبة ملآزم أقدمية سنه .. وآلدرآسه سنتين ..
يعني 18 شهـــر بآلضبط ..
س2/اذا كانت غير مرغوبة اجل وش التخصصات الي ترغبها هذي الكلية ؟
تخصصآت كثير .. منهآ آللغآت آلأجنبيه بجميع فروعهآ .. آلتخصصآت آلطبيه .. وآلعلميه
إنت لجل تسهل على نفسكـ أدخل على موقع آلكليه الأمنيه الآن وشووف وش شرووطهم وكل شي
س3/ هل اقدر اختار القطاع الي ابيه في الامن العام ولا هم يحطوني على كيفهم ؟
مآتوقع إنكـ تقدر تختآر على كيفكـ ..
س4/لو حطوني في قطاع ما ابيه هل اقدر اغيره ولا لا ؟
مآلي علم !!
وبس...
تكفون فرجوا همي الله يفرج همومكم