[align=center]

الحمد لله بالنسبة لي كانت تجربة حلوة ولو إنها متعبة وفيها stress شويتين... وإن شاء الله تتكلل بالقبول لي ولكم يااااااااارب

اختبار القدرات حق اليوم الأول كان معقول..ممكن يتساير يمين يسار

اختبار التخصص كان كمان معقول.. لكن اللي قهرررررني ضيق الوقت
أنا ما بقالي وقت لقضية الشأن العام غير 10 دقايق أو أقل.. مدري أنا بطيئة ولا الناس اللي تجيهم الأفكار طيراااان

حسيت الموضوع سلس وفيه كلام واجد... لكن مع الأسف حلي ما كان بمستواي نهااااااائياً خاصة إني قارية عن الموضوع وكن أتمنى أعبر زي العالم والناس..

ما أمداني خلصت مقدمة المقال إلا قالوا باقي 5 دقايق فقط.. بالله وش يمديني أكتب فيها؟
المشكلة إني ذكرت في المقدمة 3 نقاط أو نتائج أبي أتكلم عنها.. ويوم داهمني الوقت ما تكلمت عن كل نتيجة غير في سطرين بالكثير وما قدرت أنوع في المفردات وأتفلسف.. فطلعت المقدمة أطول من المضمون هههههههههههههههههههههه ولا أمداني أختم المقال

فكرت وش تتميز فيه كل من الأردن والمغرب عشان تضيف للخليج... طبعاً في الاتحاد قوة هذي ما فيها كلام وهذي أول نقطة ذكرتها وخاصة بعد الثورات ورغبة ضعاف النفوس في تمزيق الكيان العربي... وكيف إن نفوذ المجلس راح يمتد إلى شمال غرب أفريقيا.. فراح يكتسب بُعد استراتيجي آخر

بعد كذا ذكرت وش راح تضيفه الأردن... ذكرت إنها من دول الهلال الخصيب.. وبالتالي راح يزيد لنا مورد زراعي ورخيص بعد..

وبعدين ذكرت إن ضم المغرب راح يشجع المغاربة على السياحة في الخليج (لأنهم نااااااادر ما يترددون لدول الخليج للسياحة) وشيئاً فشيئاً حركة السياحة راح تنشط من جانب المغرب العربي ككل <<<يا شيخة ..

صراحة تمنيت لو فكرت في جانب سلبي ممكن ينتج عن ضم الدولتين عشان أكون أكثر موضوعية ..لكن هذا اللي كان في بالي وقتها...والحمد لله على كل حال
[/align]