اقتباس:
المشاركة الأصلية كتبت بواسطة همي رضاء امي
الله يوفقك ان شاءالله...انا مقدم مثلك لكن ماتصوا علي تتوقع خلاص يعني اعلنوا عن القبول المبدئي..؟
بسألك متى اتصوا عليك بالضبط...؟
|
الله يوفق الجميع.
لا باقي ما خلصوا من الفرز المبدئي لو تتذكر الأتصال على المتقدمين قبل ينتهي التسجيل التسجيل انتهى امس.
سألت أبوي متقاعد من الحرس عن اتصالهم على البعض دون الأخر قال عشان يخف الضغط عليهم ايضا ارسلت استفسار للحرس قالوا كل ادارة تحدد موعد مع المتقدمين لها.
اتصلوا علي 1.22 ما رديت كنت نايم رجعت اتصل عليه الساعة 2 رد علي واحد قال اتصل بكرة الدوام خلص المهم الساعة 6.11 جاني اتصال انتظار من الرياض ما رديت عليه توقعت انه هم المهم اتصلت عليه مشغول مشغول بعدها رد علي واحد قال من معي قلت انت من انت انت اللي دقيت قال الحرس الوطني انت مقدم قلت نعم قال اسمك قلت فلان الفلاني قال لواحد بجنبه فلان الفلاني عندك قال كم معدلك((الفرز هذا يمكن على حسب المعدل)) قال عند موعد يوم الأربعاء الساعة 5 مبنى 27 قلت مقابلة قال نعم قلت وش الأوراق المنطلوبة قال الوثيقة الكشوف الدورات مشروع التخرج ان وجد.
قال تدل المبنى قلت ان شاء الله ادله بقلبي اقول الحمد لله اللي دقوا بس.
الرجال خلوق و حبيب تفألت من يوم ما سمعت صوته.
اليوم ما شي الرياض اذا خلصت المقابلة بقولكم قل شيء بالتفصيل الممل.
دعواتكم.
ما عليش على التاخر بالرد كتبت الرد الأول وعلق الكمبيوتر ..... السموحة.